Во својот говор за Европа германскиот претседател Јоахим Гаук денеска во Берлин опомена на криза во довербата. Актуелната состојба на континентот не може да се опише само како проблем на еврото - меѓу нaселението има генерално незадоволство, кое не смее да биде игнорирано. Многумина граѓани се препуштени со чувството на немоќност и невозможност да влијаат.

„Во Европа постои потреба да се разјаснат работите, со оглед на знаците на нетрпение, исцрпеност и фрустрација меѓу граѓаните“, рече Гаук на адреса на политиката. Токму поради тоа Гаук повика на поголема храброст и одлучност при натамошното обликување на Европа. Тој се произнесе како целосен Европеец, но опомена дека европскиот проект би морало да се посматра од нов агол и покритички.

Според Гаук по падот на Железната завеса премногу источноевропски земји пребрзо беа примени во Европската унија. По брзото проширување кон исток на Унијата и воведувањето на еврото мораат да бидaт отсранети грешките во конструкцијата на ЕУ. „Дури и ако пропаднат поединечни мерки, целокупниот европски проект не е по знак парашање“, нагласи Гаук.

Исто така и при воведувањето на заедничката валута се направени грешки. „Самото евро не доби решително финансиско политичко водство“. Дури спасувачкиот чадор ЕСМ и фискалниот пакт можеа да ја коригираат лошата состојба.

На Европа и треба Велика Британија

Со оглед на евроскептичното расположение во Велика Британија Гаук апелираше до владата во Лондон, да остане во Европската унија. На Европа и е потребно британското искуство како најстара парламентарна демократија. „Потребни ни се Вашите традиции, Вашата трезвесност и Вашата храброст“, рече Гаук. Тој смета дека за натамошниот пат на ЕУ, доколку е потребно, ќе мора да се води и спор во Велика Британија, но нагласи „Повеќе Европа не треба да значи: без Вас“.

Главен недостиг, смета Гаук е недостигот на европска јавност. „Потребна ни е европска агора, заедничко место за дискусија за демократскиот соживот“. За тоа е неопходен заеднички јазик како и поголемо вложување напор, за широките народни маси да се воведат во повеќе јазичноста.