Радикалните Талибанци за ослободувањето на германскиот градежен инженер кој се наоѓа во нивно заложништво повеќе од еден месец, повторно побараа размена на затвореници. Тој ќе биде ослободен само ако авганистанската влада ослободи десет талибански борци, изјави нивниот портпарол Сабихула Муџахед за агенцијата Франс прес. Истовремено, тој соопшти дека инженерот е болен. Муџахед се закани со убивање на 19-те грабнати Јужно-корејци, меѓутоа се уште не е поставен рок до кој авганистанските власти треба да ги исполнат барањата на исламистите. И во овој случај Талибанците бараат ослободување на нинви соборци.