Повеќе илјади луѓе се собраа на протести против одлуката на Уставниот суд за укинување на ограничувањето на висината на станарините, или т.н. „Митендекел“ (во слободен превод: капак за станарините). Тие не сакаа да се растурат и по завршувањето на протестниот марш, по што, како што соопшти полицијата, морало да се интервенира. Весникот „Тагесшпигел“ пишува за безредија и фрлање со шишиња, како и уапсени. Полицијата најави детали за случувањата во текот на денешниот ден.

Уставниот суд вчера пресуди дека правилото за ограничување на станарините во Берлин не е во согласност со Уставот. Политичари и синдикалци по оваа одлука се изјаснија за тоа проблемот со високите станарини во Германија да се решава на сојузно ниво.

Во моментов во цела Германија недостасуваат околу 670.000 живеалишта– претежно станови со достапна кирија и социјални станови. Според Алијансата за социјално домување, 43.000 социјални станови секоја година исчезнуваат од пазарот. Огромната побарувачка по недвижности, особено во големите градови и густо населените региони, постојано го заострува проблемот.