Германската влада не планира проширување на мисијата на БУндесверот во јужниот дел на оваа земја, ги увери координаторите на пратеничките групи во парламентот, германската канцеларка Ангела Меркел. Сојузниот кабинет во наредните недели треба да донесе одлука за продолжување на ИСАФ мандатот и учеството на авионите од типот Торнадо во мисијата во Авганистан. Претходно во Берлин на тема Авганистан разговараа германскиот министер за надворешни работи Франк Валтер Штајнмаер и генералниот секретар на НАТО, Јаап де Хоп Шефер. Првиот човек на алијансата притоа нагласи дека НАТО не врши притисок врз Берлин да испрати трупи во јужниот проблематичен дел на Авганистан.