Германската канцеларка Ангела Меркел се изјасни за поцврст курс на меѓународната заедница во однос на Иран. Доколку раководството во Техеран не се откаже од нуклеарната програма, Германија ќе донесе одлука за воведување на заострени санкции, нагласи Меркел во нејзиниот говоро пред генералното собрание на ОН. Таа предупреди дека овозможувањето на Техеран да направи атомско оружје би можело да има катастрофални последици не само за Израел туку и за целиот свет. Меркел ги повтори заложбите на Германија за добивање постојано место во советот на безбедност на ОН и повика на преземање чекори за реформи во светската организација.