Германија: Опасноста од втор бран на коронавирус е реална
ЖА
13 јули 2020
Германскиот министер за здравство Јенс Шпан ги предупреди граѓаните од лекомислен однос кон пандемијата на коронавирус. „Опасноста од втор бран е реална“, истакна тој денеска во Берлин
Фотографија: Imago Images/R. Peters
Реклама
Шпан апелираше до граѓаните да останат будни и да не демонстрираат преголема храброст. „Ве молам, држете физичка дистанца, придржувајте се кон препорачаните хигиенски правила и секаде во затворен простор, каде е тоа предвидено, носете заштитни маски", истакна Шпан на заедничкиот прес со директорот на Институтот Роберт Кох, Лотар Вилер.
Осврнувајќи се на извештаите за ноншалантноста на стотици германски туристи и нивното игнорирање на заштитните мерки на забавите во Шпанија, посебно на островот Мајорка, Шпан со порака: „Мора да внимаваме тоа да не се претвори во втор Ишгл. Не сум навистина расипувач на забави, но сега навистина не е време за тоа". За време на повратните летови и по враќањето дома, овие луѓе го зголемуваат ризикот за останатите, рече Шпан. Истовремено истакна дека не мора да се очекува автоматски наесен или в зима да дојде до втор бран на пандемијата, но само доколку се почитуваат заштитните мерки. Во спротивно, постои реална опасност од тоа.
Во Германија моментно постојат 5.000 активни случаи на Ковид-19, што е релативно ниска бројка, а само во минатата недела се тестирани 500.000 луѓе на коронавирус. Во светот бројот на новоинфицираните случаи инаку за само пет дена од 11 милиони порасна на 12 милиони, потсети директорот на Институтот Роберт Кох, Лотар Вилер: „Пандемијата во светот има навистина сериозни размери".
Коронавирус: Кога маката ќе те направи инвентивен
И во иднина ќе треба да живееме со пандемијата на коронавирус. Но, добро е што во меѓувреме има толку многу идеи кои ни го олеснуваат секојдневието со вирусот - иако на некои треба допрва да се навикнуваме.
Фотографија: JF Group GmbH
Добар апетит на вечера во стакленик
Конечно може да се отиде некаде на вечера: рестораните се повторно отворени по повеќе недели пауза. Во Културниот центар Медиаматик во Амстердам гостите можат да јадат во мали „оранжерии“, стаклени куќички, добро заштитени од ветар, временски прилики и коронавирусот кој евентуално може да им го пренесат други посетители. Концептот има добар прием, до крајот на јуни се резервирани сите маси.
Фотографија: picture-alliance/AP Photo/P. Dejong
Во ресторан со стаклена преграда на масите
Во многу ресторани пак на масите се поставува стаклена преграда, како оваа во „Гага кафе“ во Милано. Гостите при јадењето се заштитени од останатите со вграден плексиглас и од поторот меѓу масите, заради намалување на опасноста од инфекција. Заштитна маска сепак е обврска, барем додека не се јаде.
Фотографија: picture-alliance/dpa/C. Furlan
Фризерски салони со заштита
Посебни правила во време на пандемијата на коронавирус важат и во фризерските салони. Заштитни маски за уста за фризерите и муштериите, и овде мијалниците се одделени со стаклена преграда. Нема веќе кафе додека се чека во салонот, долго задржување е табу. На муштериите ионака им е важно само повторно да имаат добра фризура.
Фотографија: Imago Images/J. Tack
Судбоносното „да“ пред гостите во автомобили
Кој вели дека свадбите во време на корона мора да бидат без гости? Во едно автокино во Диселдорф младенците склопија брак додека гостите ја следеа церемонијата ѕиркајќи преку шофершајбните од нивните автомобили. На крајот на венчавката следеше бучно свирење со автомобилските сирени. Ова беше прва германска свадба во автокино.
Фотографија: picture-alliance/dpa/F. Strauch
„Црни острови“ во канцеларијата
Вака би можело да изгледа бирото на иднината: црни обележани простори на подот покажуваат колку можете да им се приближите на колегите, без да го прекршите правилото за дистанца од два метри. Преградите од плексиглас зад мониторите даваат дополнителна заштита. Но, за оваа визија на „футуристичката канцеларија“ од една филијала во Амстердам е потребно пред сё едно - многу простор.
Фотографија: Reuters/Cushman/Wakefield
Ред при чекањето
Не само во затворен простор, туку луѓето и надвор во идните месеци мора да држат меѓусебно растојание. На станица на метрото во францускиот град Ница стапалките во кругови покажуваат каде смеат да стојат патниците кои чекаат. Слични примери има низ цел свет. Но, и на ваков начин не може да се спречи турканица при влегувањето.
Фотографија: Reuters/E. Gaillard
Едносмерно движење
И во трговските улици во Данска луѓето треба да се движат по определени правила. Исто како и во автомобилскиот сообраќај, во Аалбог важи и за пешаците - секогаш движи се на десната страна. Целта е така да се избегнат премногу блиски средби. Дали тоа навистина функционира, барем на прв поглед, според оваа фотографија, е сомнително.
Фотографија: Reuters/H. Bagger
Живот во шише
Во густо населениот Хонгконг, некои луѓе со пресечено пластично шише не само што се погрижуваат за држење физичка дистанца, туку обезбедуваат и целосна заштита на лицето од евентуални капки кои содржат вирус. Мора да се признае, не изгледа баш удобно, но барем е евтин пронајдок.
Фотографија: AFP/A. Wallace
Направа за отворање врата
Држење физичко растојание е едно, избегнување инфекција преку површини е друго. Многу луѓе при влегувањето во лекарски ординации или јавни тоалети затоа ја отвораат вратата со лакт, но постои и нешто подобро. Овој „отворач на врати“ го решава проблемот, барем така тврди производителот.