Германија: раст на криминалот поради зголемената миграција
3 јануари 2018
Само подобра интеграција ќе го намали ризикот од раст на стапката на криминал меѓу мигрантите, наведува една студија. Зголемената стапка на криминал во Долна Саксонија е поврзана со растот на мигрантите.
Реклама
Водечките германски криминолози велат дека најдобрата шанса за превенирање на насилниот криминал меѓу мигрантите е понуда на повеќе интегративни модели како учење на јазик, спорт и практикуми. Студијата, изработена од криминолози на Универзитетот во Цирих а нарачана од германското Министерство за семејство, го истражувала растот на насилниот криминал во Германија во последните две години. Студијата открива поврзаност меѓу зголемениот број на пријавени случаи на насилен криминал во покраината Долна Саксонија и значителниот раст на бројот на мигрантите во таа покраина. Според заклучоците, полицијата евидентирала зголемување од 10,4 проценти на насилниот криминал во 2015 и 2016 година, од кои 92,1 отсто им се припишуваат на мигранти.
Авторите на студијата, Кристијан Фајфер, Дирк Бајер и Серен Клим, тврдат дека растот делумно се должи и на тоа што насилниот криминал сторен од мигранти е двојно поверојатно да биде пријавен, за разлика од оној сторен од германски државјани.
Возраста игра улога
Дополнителен фактор кој авторите го земале предвид е возраста на мигрантите. Според студијата, мажи на возраст меѓу 14 и 30 години е поверојатно да сторат криминално насилство одошто останатите во други возрасни групи. Притоа, токму мажите меѓу 14 и 30 години сочинуваат најголем дел од мигрантите во Долна Саксонија, што пак за возврат ја објаснува поврзаноста меѓу растот на криминалот и зголемениот број на мигранти во таа покраина.
Допололнително, авторите велат дека постои значителна разлика според земјата на потекло, заклучувајќи дека мажите по потекло од Сирија, Ирак и Авганистан сториле далеку помалку криминални прекршоци, одошто оние по потекло од Северна Африка.
Нејасно е зошто во студијата не биле вклучени и други германски покраини. Откритијата ги потврдуваат претходните сомнежи дека насилниот криминал драматично се зголемил како резултат на мигрантската криза. Сепак, други студии изработени досега ја отфрлаат таа поврзаност.
Од 2015 година, во Германија пристигнаа повеќе од еден милион мигранти, поголемиот дел од нив бегалци од војните и екстремната сиромаштија на Блискиот исток, Азија и Африка.
Зголемениот број на мигранти беше резултат и на политиката на отворени врати на германската канцеларка Ангела Меркел кон Сиријците кои бегаа од граѓанската војна во нивната држава.
Бегалците - опасност или измислица
01:02
Бегалци кои го сменија светот
Новиот претседател на САД го ограничи влезот за бегалците во земјата. Многу поранешни бегалци станаа светски познати музичари, актери, политичари или научници.
Фотографија: imago/Thomas Bielefeld
Алберт Ајнштајн
Познат по неговата Теорија за релативноста, германскиот Eвреин, добитник на Нобелова награда, Алберт Ајнштајн, бил во посета на САД во 1933. година кога му станало јасно дека не може да се врати во нацистичка Германија. Во една прилика тој напишал дека се чувствува како „привилегиран од судбината“ што живеел во Принстон, но речиси бил „засрамен што живеел во таков мир, додека останатите страдале“.
Фотографија: Imago/United Archives International
Марлен Дитрих
Германската пејачка и глумица Марлен Дитрих веќе беше ѕвезда и живееше во САД, кога го доби американското државјанство во 1939. година и ѝ сврте грб на нацистичка Германија. Проминентната бегалка говореше против Хитлер и настапуваше за војската на САД за време на војната. Истовремено, нејзините филмови беа забранети во Германија. Но таа кажа: „Родена сум како Германка и засекогаш ќе бидам тоа.“
Фотографија: picture-alliance/dpa
Хенри Кисинџер
Професор на Харвард и авторитет во областа на меѓународните односи-Кисинџер беше 56-от државен секретар на САД и одигра клучна улога во обликувањето на надворешната политика. Во 1938. година, Хенри Кисинџер, роден во Баварија, избега од Германија за да не се соочи со прогон од нацистите. Чувствата кон татковината останаа исти: „Германија никогаш не престана да биде дел од мојот живот“, изјави тој.
Родена во денешна Република Чешка, Медлин Олбрајт и нејзиното семејство дојдоа во САД во 1948. година кога комунистите ја презедоа власта во нејзината татковина. Таа почна да се занимава со политика и стана највисоко рангираната жена во владата на САД: Медлин беше првата жена државен секретар на САД (1997-2001).
Фотографија: Getty Images/AFP/S. Loeb
Џорџ Вајденфелд
Роден во Виена во 1919. година, лордот Џорџ Вајденфелд бил британски Евреин и издавач. Тој емигрирал во Лондон по анектирањето на Австрија од страна на нацистите. Бил соосновач на издавачка куќа и работел во кабинетот на првиот претседател на Израел. Го финансирал спасувањето на христијаните од Сирија и Ирак. „Не можам да го спасам светот... но имам долг за отплаќање“, се неговите зборови.
Фотографија: picture-alliance/dpa/N.Bachmann
Бела Барток
Унгарскиот композитор, виртуоз на пијано и колекционер на народна музика, Бела Барток, иако не бил Евреин, се спротивставил на подемот на нацизмот и прогонот на Евреите. Во 1940. година тој се преселил во САД. Тој еднаш изјавил: „Мојата главна идеја е братство на луѓето, над сите конфликти“.
Фотографија: Getty Images
Милош Форман
Иако веќе бил познат режисер во татковината, тој ѝ го свртел грбот на Чехословачка и се преселил во САД по Прашката пролет во 1968. година. Подоцна, Милош Форман режираше два меѓународно познати филмови, кои освоија Оскар.
Фотографија: picture-alliance/abaca/V. Dargent
Изабел Аљенде
Чилеанскиот претседател Салвадор Аљенде беше насилно симнат од власт со пучот од 1973. година. Ќерката на неговиот братучед, Изабел, избегала во Венецуела откако почнала да добива смртни закани. Таа подоцна се сели во САД. Нејзините романи се меѓународно признати класици на магичниот реализам, како „Куќата на духовите“ и „Ева Луна“.
Фотографија: Koen van Weel/AFP/Getty Images
Мириам Макеба
Мириам Макеба беше на турнеја во САД, кога властите во Јужноафриканската Република ѝ го поништија пасошот поради нејзино учество во кампањата против апартхејдот и подоцна ѝ забранија да се врати во државата. Нејзината песна „Пата пата“ беше светски хит во 1967. година. Легендарната пејачка живееше во САД и Гвинеја пред повторно да може да се врати во сопствената земја, една деценија подоцна.
Фотографија: Getty Images
Седечки бик
Лидерот на Сијуксите, Татанка Ијотаке – Седечки бик е еден од најпознатите поглавари на домородните Американци во историјата. Неколку години од животот ги поминал како бегалец во Канада, каде што заминал во 1877. година. Во 1881. година се враќа во САД, каде првично бил затворен, по што бил ослободен и вратен во резерват.
Фотографија: Imago/StockTrek Images
Невен Суботиќ
Како и неговиот колега, Ведад Ибишевиќ од Херта Берлин, играчот во Бундеслигата, Невен Суботиќ побегна од војната во БиХ како дете. Свесен за тешките животни услови, Суботиќ во 2012. година основа фондација за помош на луѓето во најсироманите делови на светот и пристап до чиста вода.