Германија: реформи и нов замав во евроинтегративниот процес
1 јуни 2017![Deutschland Berlin Auswärtiges Amt](https://static.dw.com/image/38816530_800.webp)
Реклама
Германската влада го поздрави изборот на новата влада во македонскиот парламент. Министерството за надворешни работи соопшти дека од владата предводена од премиерот Зоран Заев се очекуваат итни реформи.
„Очекуваме од новата влада одлучно да започне со спроведување на неопходните реформи, за да се надмине политичката криза и да се донесе нова динамика во евроатлантската интеграција на земјата.“
Задачите, соопштува германското МНР, се јасни: „зајакнување на правната држава, слобода на говорот и на медиумите, имплементација на Пржинскиот договор и зајакнување на работата на Специјалното јавно обвинителство. Германија ќе ја поддржува земјата во тие напори како нејзин доверлив партнер“.