Укинато предупредувањето за патување во делови од Турција
СН/агенции
5 август 2020
Турската влада го бараше ова веќе некое време и укажуваше на безбедносните концепти за спречување на ширењето на коронавирусот. Германската влада сега даде зелено светло за патувања на одмор на турскиот југозападен брег.
Реклама
Германските власти делумно го укинаа предупредувањето да не се патува во Турција, што со недели го бараа властите во Турција чиј туризам зависи од гостите од Германија.
Германското Министерство за надворешни работи соопшти дека го укинува официјалното предупредување за туристички патувања во турските провинции Анталија, Измир, Ајдин и Муглу, на западниот, егејски брег од земјата, кои се омилени одморалишта на Германците.
Корона-тест пред враќањето од Турција
Министерството наведе дека го укинува преупредувањето за 4 турски провинции под услов „строго да се почитува глобалната концепција за туризам и хигиена по налог на турската влада“.
Иднината на патувањето со авион
01:47
„Тоа, меѓу останатото, подразбира задолжителен ПЦР тест за сите патници кои од Турција се враќаат во Германија“, се наведува во соопштението и се додава оти тестот не смее да биде постар од 48 часа.
Тестот за патниците во лабораториите чини 15 евра, а на аеродромите 30 евра.Ако со тестот пред враќањето во Германија се утврди дека некој е позитивен на коронавирусот, останува во карантин или на лечење во Турција.
Притисок од Анкара
Турција досега беше на списокот на кои се наоѓаат 160 земји надвор од ЕУ и Шенген зоната за кои до 31 август важи предупредувањето да не се патува поради коронавирусот. Германија сега направи исклучок, откако владата во Анкара со недели наназад го притискаше Берлин на ваков чекор, укажувајќи на строгите безбедносни концепти во турските одморалишта за спречување на ширењето на коронавирусот.
Со 10 филмови на пат околу светот
По недели забрана на патувањата, многумина се во исчекување на најавените ублажувања. Сепак и со нив долго нема да биде како пред корона-кризата. Одбравме 10 филмови кои не водат на некои сега недостапни дестинации...
Фотографија: picture-alliance/dpa/F. Schumann
Дивина (Wild), Жан-Марк Вале (2014)
Екранизацијата на бестселерот на Шерил Стејд буди желба едноставно да се грабнеме ранецот и да се тргне. Пацифик Крест Трејл важи за една од највозбудливите планинарски рути во САД. Филмот ја прикажува фасцинантната приказна на писателката, која решила да планинари сама 1.600 километри долж американскиот западниот брег.
Овој филм ја претвора пустината во место кое треба да се види. Сниман е во пустините во Мароко, Јордан (на сликата) и во Шпанија. Британскиот офицер Т.Е. Лоренс со одважна опседнатост јава низ песок, песок и повторно песок, кон зажарената сончева топка - и сето тоа во техниколор и супер-панвизија-70. Тешко да се издржи а толку убаво.
Фантастични пејсажи ја красат позадината во авантурите на Винету и Олд Шетерхенд. Најголемиот дел од филмовите за Винету, екранизирани по романите на Карл Мај, се снимани во Хрватска и тоа во околината на познатите Плитвички езера. Овој национален парк, неговите водопади и езера можат да се запознаат низ прошетка по планинарските патеки и со возење на брод.
Фотографија: picture-alliance/dpa/F. Schumann
Џејмс Бонд 007- Тандербол, Теренс Јанг (1965)
Кога Џејмс Бонд на егзоточни дестинации го спасуваше светот, секогаш бев присутен. Еден од моите омилени филмови за Бонд е „Thunderball“ од 1965. Тогаш Шон Конери во улога на тајниот агент од Лондон мораше да патува во главниот град на Бахами- Насау (на сликата). Конери во улога на Џејмс Бонд повторно се појави во „Никогаш не вели никогаш“ во 1983 година, што е и еден вид римејк на „Тандербол“.
Фотографија: picture-alliance/imageBROKER/J. Tack
Бест Егзотик Мариголд Хотел, Џон Маден (2011)
Градот Џајпур е прекрасна кулиса за овој филм. Оваа британска комедија води во шарениот, хаотичен и витален живот во Индија, нејзините пазари и раскошните палати.
Во филмот Рафики станува збор за забранета љубов меѓу две жени во Кенија. Местото каде што се одвива дејствието на филмот е живописниот и динамичен главен градНајроби.
„Срце од мастило“ е прв дел од триологијата на фантастичниот роман на германската писателка Корнелија Функе, објавен 2003 година. Филмот е сниман во италијанските покраини Пиемонт и Лигурија. Сликите од филмот веднаш будат желба да се отпатува таму.
Сатирата за источно-западниот конфликт е фасцинантно временско патување во Берлин. Филмската екипа за време на снимањето во август 1962 година била изненадена од изградбата на Берлинскиот ѕид. Затоа морало да биде направена копија на Бранденбушката капија во студио. Филмот реалноста на Студената војна ја претставува хумуристично и тоа го прави да изгледа цинично.
Фотографија: picture alliance / akg-images
Изубени во преводот, Софија Копола (2003)
Две непознати лица се среќаваат во за нив непознатиот град Токио и започнуваат платонска врска. Јапонскиот главен град во овој филм ја игра третата главна улога. Флуросцентни светла, футуристички згради, будистички храмови - град меѓу традицијата и модерното. Преубавата драма на Софија Копола буди желба за патување во јапонската метропола.
Фотографија: picture-alliance/dpa/F. Duenzl
Блејд Ранер, Ридли Скот (1982)
Научно-фантастичен филм како вестерн. Град во иднината, каде речиси секогаш паѓа дожд, кој секогаш со своите урбани пејсажи и внатрешност е визионерски. „Видов работи во кои никогаш нема да верувате.“ Тоа е репликата во последната фасцинантна сцена која ја изговара Рутгер Хауер, кој раскажува за своите патувања низ вселената. Тој зборува за копнежот за поместување на граници.