Летачките такси одамна не се само визија, тие отвораат комплетно нови можности, посебно за транспортот на болни лица во големите градски конгломерати.
Реклама
Германската влада планира во градот Инголштат да тестира летачки такси. Вчера беше потпишана намерата за проектот од страна на сојузниот министер за сообраќај, Андреас Шојер, специјалниот ополномоштеник на германската влада за дигитализација, државната министерка Доротеа Бер, градоначалникот на Илголштат, Кристијан Лезел, како и претставници на авионскиот концерн Ербас и автомобилскиот производител Ауди.
На развој на летачки такси возила работат повеќе компании во светот, меѓу нив и германски. Шојер изјави дека летачките такси одамна не се само визија, тие отвораат комплетно нови можности, посебно за транспортот на болни лица во големите градски конгломерати. Освен тоа, тие се огромна шанса за претпријатијата и стартап-фирмите. Бер истакна: „Не можеме на сите сообраќајници да изградиме шест или осум ленти, а и таквото проширување побарува огромен простор, кој и така е сѐ поскуден“. Оттаму, и летачките такси се дел од мобилитетот на иднината.
Германците и нивните автомобили
Без оглед на скандалот со дизел горивото, автомобилите се дел од германскиот национален идентитет. Но колку е навистина длабока љубовта на Германците кон пријателите на четири тркала?
Удар за автомобилската индустрија
Репутација на славните германски автопроизводители доживеа голем удар, но продажбата и натаму расте. Сепак, германските брендови сочинуваат помалку од две третини од сите возила на германските патишта. Притоа се работи за чисто машка „територија“: само една третина од сопствениците на возила во 2017 година се жени. Интересно, таа бројка воопшто не се промени во последната деценија.
Фотографија: picture alliance/dpa
Една деценија на пат
Германските патнички возила, полека старееја, од 8,1 година во просек пред една деценија, до највисокиот просек во историјата од 9,7 години во 2017. Патем, Германија воопшто не е во светскиот врв според возила по глава на жител. Таа е на 20 место - 17 места зад САД, каде на секои десет жители има осум автомобили. Најмалку моторизирана земја во светот е Того.
Земја на олдтајмери
Околу 600 илјади возила - околу 13 проценти од сите возила на германските патишта се сметаат за олдтајмери, што значи дека се постари од три децении. Околу 380 илјади имаат историски регистерски таблички кои се добиваат доколку се докаже дека возилото е сочувано со оригиналната состојба.
Фотографија: Imago/imagebroker/friederich
Постепена моторизација
На 1 јануари 2017, во Германија беа регистрирани 45,8 милиони патнички возила. Во однос на населението од 82,8 милиони, тоа значи дека има 684 автомобили на илјада жители. Денес, има пет пати повеќе автомобили во земјата отколку пред половина век, кога беа регистрирани околу 9 милиони возила.
Во земјата на БМВ
Просечната старост на возилата во Германија варира од покраина до покраина. Веројатно не е изненадување што во Баварија, домот на БМВ и покраина со најголем приход по глава на жител, просекот на старост на возилата е најмал. Просечната старост на возилата на патиштата во Бранденбург, покраината околу Берли, надминува една деценија.
Фотографија: picture alliance/dpa/A. Gebert
Германија заостанува
Иако бројот на возила на бензин остана стабилен во последната деценија, нивниот удел се намали на две третини од сите мотори во 2017. Бројот на дизел возила порасна од 10 на 15 милиони од 2008 наваму. Електричните и хибридните возила комбинирано сочинуваат само 0,5 проценти, или вкупно 200 илјади. Во Норвешка уделот на електричните возила е повеќе од 1 процент.