Германскиот екс-претседател мора на суд
27 август 2013Покраинскиот суд од Хановер на 14 страници ги известува адвокатите на поранешниот германски претседател за одлуката, јавија повеќе онлајн изданија на весниците. Државното обвинителство од Хановер во април го обвини Кристијан Вулф поради поткупливост, а филмскиот продуцент Давид Греневалд за поткуп. Судот сега отвора постапка само поради стекнување противправна корист за себе и овозможување противправна корист на други лица.
Греневалд во 2008 година презел дел од трошоците за престој на брачниот пар Вулф на манифестацијата Октобер фест во Минхен. Вулф, кој тогаш беше покраински премиер во Долна Саксонија, тврди дека не го знаел тоа. Според државното обвинителство, Греневалд сакал со тоа да го мотивира Вулф да се ангажира за собирање пари за неговите филмски проекти. Вулф тоа и го направил неколку недели подоцна.
Обвинувањата и квалификациите на делата против Вулф и Греневалд во текот на истрагата сѐ повеќе се намалуваа. Крајно, сега се работи за околу 800 евра. Вулф и Гереневалд ја одбија понудата за вонсудско порамнување, односно за прекин на постапката со плаќање парична казна.
Обвинителството во февруари 2012 година достави барање за одземање на имунитетот на Вулф, кој тогаш беше на функцијата германски претседател. Тоа беше причина Вулф да си поднесе оставка и да се повлече од должноста.