Милитантни десничарски екстремисти од Германија, како што пишува „Фокус“, биле обучувани за борбени дејства во логор кај Санкт Петербург. Зад логорот стои злогласно руско движење познато по разгорување расистичка омраза.
Фотографија: picture-alliance/imageBROKER
Реклама
Парамилитантната обука на германски десничарски екстремисти во кампот во северна Русија опфаќа ракување со оружје и експлозив. Освен тоа, учесниците биле тренирани за борба гради во гради, известува магазинот „Фокус", повикувајќи се на информации од безбедносни извори. Дел од обучуваните од Германија се припадници на „Младите националсоцијалисти", младинска организација на десноекстремистичката НПД, која е следена од страна на Службата за заштита на уставниот поредок на Германија, а друг дел се припадници на екстремистичката партија „Третиот пат".
Организатор на кампот под име „Партизан" кај Санкт Петербург, според пишувањето на „Фокус", е руското десноекстремно „„Руско империјалистичко движење", РИМ, кое според сопствени наводи се бори за „доминација на белата раса". Во САД оваа организација во април е ставена на листата на глобални терористички групи.
Организацијата во Санк Петербург води два тренинг-кампови. Руските медиуми пишуваат дека групата на ултра-десничарски христијански православни Руси и во татковината е квалификувана како екстремистичка, но не е забранета. Бројни апсолвенти на логорите за обука, меѓу кои и Финци и Швеѓани, според сознанијата на безбедносните служби, подоцна се приклучуваат кон руските милиции во Источна Украина.
„Фокус“ понатаму објавува дека германските безбедносни служби се инфирмирани за обуката на германски десничарски екстремисти во Русија, но од правни причини не можат да го спречат нивното патување во Санкт Петербург. Истовремено, службите се на мислење дека на рускиот претседател Владимир Путин му е познато постоењето на камповите и тој „ако ништо повеќе, барем ги толерира".
Десноекстремната сцена во Германија и натаму остварува прилив, Службата за заштита на уставниот поредок смета дека на овој спектар припаѓаат преку 30.000 лица.
Германскиот сојузен министер за внатрешни работи Хорст Зехофер во десничарскиот екстремизам гледа „моментно најголема закана за демократската правна држава."
Колку е радикална европската десница?
Бавен економски раст, незадоволство поради политиките на Европската унија и мигрантската криза доведоа до изборен успех на десничарските партии низ цела Европа.
Фотографија: picture-alliance/dpa
Фрауке Петри, Алтернатива за Германија (АФД)
Лидерот на Алтернатива за Германија, Фрауке Петри изјави дека полицијата може да користи оружје како крајна мерка при спречување на илегално преминување на границата, потенцирајќи дека „таков е законот“. Она што започна како евроскептична партија се претвори во антиестаблишмент и анти-ЕУ политичка сила која на покраинските избори во Германија во март 2016 година освои 25 проценти од гласовите.
Фотографија: Reuters/W. Rattay
Марин Ле Пен, Национален фронт (Франција)
Многумина веруваат дека Брегзит и победата на Доналд Трамп може да бидат стимул за Националниот фронт. Со партијата, која беше формирана во 1972 година, раководи Марин Ле Пен, која во 2011 година го презеде водството од нејзиниот татко Жан-Мари Ле Пен. Национален фронт е националистичка партија која користи популистичка реторика да ги промовира своите анти-имиграциски и анти-ЕУ позиции.
Фотографија: Reuters
Герт Вилдерс, Слободарска партија (Холандија)
Лидерот на холандската Слободарска партија, Герт Вилдерс, е еден од најпроминентните десничарски политичари во Европа. Во декември тој беше осуден затоа што во 2014 година праша толпа граѓани дали сакаат повеќе или помалку Мароканци во земјата, но не му беше изречена казна. Неговата партија се смета за анти-ЕУ и антиисламска и моментално има 15 пратеници во холандскиот парламент.
Фотографија: picture-alliance/dpa/S. Koning
Никос Михалолиакос, Златна зора (Грција)
Никос Михалолиакос е претседател на грчката неофашистичка партија Златна зора. Тој и десетина други членови на партијата во септември 2013 година беа уапсени под обвинение за формирање на криминална организација. Михалолиакос беше ослободен во јули 2015 година. Златна зора освои 18 мандати на парламентарните избори во септември 2016 година. Партијата застапува антиимигрантски ставови.
Фотографија: Angelos Tzortzinis/AFP/Getty Images
Габор Вона, Јобик (Унгарија)
Јобик е унгарска антиимиграциска, популистичка и протекционистичка партија која се стреми да биде дел од следната влада во земјата. Јобик е трета по големина политичка партија во Унгарија и на последните избори освои 20 проценти од гласовите. Партијата бара одржување референдум за членството во ЕУ и се залага за криминализација на „сексуалната девијантност“. Лидер на Јобик е Габор Вона.
Фотографија: picture alliance/dpa
Џими Акесон, Шведски демократи
По изборот на Трамп, лидерот на Шведските демократи Џими Акесон во интервју за шведска телевизија изјави: „Постои движење во Европа и САД кое го предизвикува владеењето на естаблишментот. Тоа очигледно се случува и тука“. Шведските демократи бараат ограничување на имиграцијата, се противат на приклучувањето на Турција во ЕУ и бараат референдум за членството на земјата во ЕУ.
Фотографија: AP
Норберт Хофер, Слободарска партија на Австрија
Норберт Хофер, член на австриската националистичка Слободарска партија, загуби на неодамнешните претседателски избори за само 30.000 гласови, откако беше фаворит во првиот круг на гласање. Поранешниот лидер на Зелената партија освои 50,3 проценти од гласовите, а Хофер осови 49,7%. Слободарската партија се залага за зајакнување на државните граници и ограничување на бенефициите на имигрантите.
Фотографија: Reuters/L. Foeger
Мариан Котлеба, Народна партија – Наша Словачка
Лидерот на крајно десничарската Народна партија – Наша Словачка, Мариан Котлеба, изјави: „Дури и еден имигрант е премногу“. Во друга прилика тој го нарече НАТО „криминална организација“. Оваа партија се залага за напуштање на ЕУ и на Еврозоната. На изборите во март 2015 година партијата освои 8 проценти од гласовите, со што обезбеди 14 мандати во националниот парламент кој брои 150 пратеници.
