Северна Кореја ја разнесе канцеларијата за врски со Јужна Кореја во пограничниот град Каесонг, соопшти владата во Сеул. Ова дополнително ќе ги заостри тензиите меѓу двете земји.
Фотографија: Reuters/Yonhap
Реклама
Министерството за обединување на Јужна Кореја соопшти дека зградата на канцеларијата за врски во севернокорејскиот пограничен град Каесонг била крената во воздух во 14 часот и 49 минути по локално време, меѓутоа не изнесе повеќе детали.
На фотографиите кои ги објави јужнокорејската новинска агенција Јонхап се гледа густ чад над индустрискиот комплекс во кој се наоѓа канцеларијата за врски.Односите меѓу двете Кореи се веќе заострени поради подолгиот застој во нуклеарната дипломатија меѓу Пјонгјанг и Вашингтон.
Канцеларијата за врски во Каесонг пред разурнувањетоФотографија: picture-alliance/AP/Newsis/South Korea Unification Ministry
Северна Кореја и претходно соопшти дека ќе ги запре сите канали на комуникација со Јужна Кореја бидејќи не успеа да го спречи испраќањето летоци против Пјонгјанг во Северна Кореја, и оти ќе ја уништи меѓукорејската канцеларија и ќе преземе воени чекори против Јужна Кореја.
Северна Кореја соопшти дека активностите за испраќање летоци прекршија низа мировни договори меѓу Пјонгјанг и Сеул, особено Декларацијата од Панмуџон, потпишана во април 2018 година, која имаше за цел да ги намали тензиите.
Сестрата на лидерот на Северна Кореја, Ким Јонг Ун, Ким Јо Џонг, предупреди за викендот оти Сеул наскоро ќе види „трагичен призор од уништената бескорисна канцеларија за врски Север-Југ“ и додаде дека ќе и' препушти на војската на Северна Кореја натамошна пресметка со Јужна Кореја.
За што е способна севернокорејската армија?
Северна Кореја повторно го привлекува вниманието на светската јавност. Тестирањето на интерконтиненталните ракети наидува на остри критики. Земјата има една од најголемите армии во светот. Но, продолжува да се вооружува
Фотографија: Reuters/KCNA
Меѓу најбројните армии во светот
Севернокорејската армија има 700 илјади војници и околу 4,5 милиони резервисти. Речиси секој петти жител на земјата е во војска. Сите мажи во комунистичкиот режим мораат да учествуваат во воената обука. Поради тоа, Северна Кореја има двојно повеќе војници од соседната Јужна Кореја.
Фотографија: Getty Images/AFP/E. Jones
Различни воени орудија
Според податоците наведени во Глобалниот индекс за вооружување, Северна Кореја во 2017 година располага со 76 подморници, 5.025 тенкови и 458 борбени авиони. На оваа фотографија од 2013 година, лидерот Ким Јонг Ун е сликан во командната централа на армијата.
Фотографија: picture-alliance/dpa
Воена парада
Севернокорејскиот режим секоја година ја демонстрира својата сила на воена парада во главниот град Пјонгјанг. Парадите воглавно се одржуваат за време на некој важен јубилеј на комунистичката земја или семејството Ким.
Фотографија: picture-alliance/dpa/KCNA
Интерконтинентални ракети
САД во четвртокот потврдија дека Северна Кореја успешно тестирала балистичка интерконтинентална ракета. Ракетата од типот „Хвасонг- 14“ е во состојба да ја погоди секоја цел во светот, јави државната новинска агенција КЦНА.
Фотографија: Getty Images/AFP/KCNA
Атомските проби продолжуваат
И покрај острите санкции, Северна Кореја продолжува со својата атомска програма. Само во 2016 година беа извршени пет нуклеарни проби. Јужнокорејскиот министер за одбрана Хан Мин Ко смета дека соседот наскоро ќе го изврши и шестиот тест.
Фотографија: picture-alliance/dpa/KCNA
Закана за светскиот мир
Кина и Русија се единствените земји кои се водат како сојузници на Северна Кореја. Режимот за главен непријател ја смета „империјалистичката сила САД“. Меѓу непријателите уште спаѓаат и Јужна Кореја и Јапонија.
Фотографија: Reuters/K. Hong-Ji
Крај на трпението?
По тестирањето на интерконтиненталните ракети на американското трпение му дојде крајот. Претседателот на САД, Доналд Трамп сака да најде решение со своите сојузници од Г20. Кина и Русија, во секој случај, сакаат да спречат американски напади врз воени цели во Северна Кореја.
Фотографија: picture-alliance/Zumapress/M. Brown
7 фотографии1 | 7
Војската на Северна Кореја денеска најави оти ќе се врати во зоните кои се демилитаризирани во согласност со корејскиот мировен договор. Генералштабот на Севернокорејската народна армија соопшти дека ја преиспитува препораката на владеачката партија војската да се распореди во програничните подрачја кои се демилитаризирани.
Претседателот на Јужна Кореја, Мун Џае Ин, ја повика вчера Севрна Кореја да ги намали тензиите. „Северна Кореја не смее да ја запре комуникацијата и да создава тензии за да не се врати часот на поранешниот конфронтациски период“, рече Мун за време на состанокот со највисоките советници.
