Границите на Италија од 3. јуни отворени за туристи од ЕУ
ЖА / агенции
16 мај 2020
Италија од 3. јуни повторно ќе ги отвори своите граници за туристи кои доаѓаат од ЕУ. Ќе отпадне и сега важечкиот 14-дневен карантин за патниците кои влегуваат во земјата
Фотографија: Imago/Hoch Zwei Stock/Angerer
Реклама
Владата на премиерот Ѓузепе Конте, по повеќечасовно советување, денеска ја донесе одлуката на отворањето на границите, со цел да му даде нов импулс на туризмот, важен економски фактор во земјата, кој поради пандемијата на коронавирус е целосно парализиран.
Италија, со преку 31.500 мртви, е една од најпогодените држави од пандемијата на коронавирус во светски рамки. За да се спречи ширењето на вирусот, премиерот Конте на почетокот на март воведе полициски час и редица други ограничувања, кои постепено почнаа да се олабавуваат дури од пред неколку денови.
Италија: Борба за најнужното
01:17
This browser does not support the video element.
Италија всушност не ги затвори целосно своите граници, и натаму беше можен влез од професионални или здравствени причини, но не и за туристи. Освен тоа, сите кои влегуваа во земјата мораа да одат во двонеделна изолација.
Од почетокот на јуни ќе отпатнат рестрикциите за влез на туристи од ЕУ, како и задолжителниот карантин. Се укинуваат и ограничувањата во внатрешниот сообраќај, Италијанците повторно ќе можат да патуваат во други региони. Но, мерките на владата можат повторно да бидат воведени, доколку бројот на новоинфицирани почнува да расте.
Од в понеделник во Италија смеат да бидат отворени рестораните, баровите и фризерските салони, две недели отколку што беше првично планирано. Италијанците ќе можат повторно да одат и во посети кај пријатели кои живеат во ист регион. Во црквите одново е дозволено одржување богослужби, но со одржување на пропишаното меѓусебно растојание на верниците. Собирите на поголеми групи и натаму остануваат забранети.
Коронавирус: Туристички атракции без посетители
Поради коронавирусот морничава тишина владее на многу туристички знаменитости, особено во Италија, но и во други земји. Погледнете како изгледаат овие места сега без вообичаените турканици..
Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.
Фотографија: picture-alliance/dpa/Zuma/G. Galazka
Тивкиот Милано
На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.
Фотографија: picture-alliance/dpa/AP/L. Bruno
Празни места во Мадрид
По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.
Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.
Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.
Фотографија: picture-alliance/dpa/AP/D. Josek
Франција во вонредна состојба
Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.
Фотографија: picture-alliance/abaca/E. Blondet
Берлинските знамениости затворени
Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.
Фотографија: picture-alliance/dpa/M. Kappeler
Туризмот во режим на спиење
Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.
