Грција: Туристите од регионот го „увезуваат“ коронавирусот
СН/агенции
9 јули 2020
Грчките власти изразија загриженост поради зголемувањето на бројката новозаразени со коронавирусот на Балканот, истакнувајќи го ризикот од „увезени случаи“, поради доаѓањето на туристи преку копнените граници во земјата.
Фотографија: picture-alliance/ANE
Реклама
Додека во Грција и натаму е мал бројот на новозаразени со коронавирусот, со помалку од 50 случаи дневно, загриженост предизвикува фактот што туристите сочинуваат над 50 отсто од заразените.
„Од 31.169 тестови кои се извршени на сите влезови во земјата меѓу 1 и 6 јули, само 100 случаи се позитивни или 0,3 насто“, изјави на конференцијата за новинари портпаролот на грчката влада, Стелиос Пецас. Зголемувањето на бројот на случаи е „под контрола“, но „најголемите проблеми доаѓаат од копнените граници со Балканот (...) каде има ненадејна тенденција за зголемување на ризикот од увезени случаи“, предупреди тој.
Пецос укажа дека сега главен ризик се малите грчки места каде доволно не се почитуваат мерките за физичка дистанца и носењето маски. Грчките власти затоа изразија подготвеност наредната недела повторно да воведат мерки за ограничување.
Фотографија: picture-alliance/dpa/A. Vafeiadakis
Пецас рече дека властите „се одлучени да го заштитат мнозинството од несериозноста на малкумина“, додавајќи оти владата веројатно ќе ги соопшти од понеделник новите ограничувања доколку тоа биде потребно.
Најмалку 7 српски туристи од понеделникот се позитивно тестирани на коронавирусот и се сместени во карантин. Грчките власти во местото Едипсос на островот Евиа во моментов тестираат 80 српски туристи сместени во еден хотел каде една двојка имала позитивен тест, јавуваат медиумите.
Иднината на патувањето со авион
01:47
This browser does not support the video element.
Од отворањето на границата од средината на јуни, Грција ги тестира туристите кои доаѓаат врз основа на алгоритам кој опфаќа низа податоци за епидемиолошки ризик и нивните пријави за доаѓање, со лични податоци.
По појавата на жаришта во Србија, грчките власти го зголемија тестирањето на граничниот премин со Бугарија, главниот влез за бројни туристи од Балканот, а во понеделникот го затворија за државјаните на Србија до 15 јули.„Со загриженост го чекаме развојот на епидемиолшката крива до крајот на јули“, изјави за јавната телевизија Николаос Сипсас, професор за заразни болести од Медицинскиот факултет во Атина.Со 193 починати и помалку од 3.700 заразени со Ковид-19 од крајот на февруари, Грција и натаму е една од европските земји кои се најмалку погодени со пандемијата.
Коронавирус: Туристички атракции без посетители
Поради коронавирусот морничава тишина владее на многу туристички знаменитости, особено во Италија, но и во други земји. Погледнете како изгледаат овие места сега без вообичаените турканици..
Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.
Фотографија: picture-alliance/dpa/Zuma/G. Galazka
Тивкиот Милано
На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.
Фотографија: picture-alliance/dpa/AP/L. Bruno
Празни места во Мадрид
По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.
Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.
Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.
Фотографија: picture-alliance/dpa/AP/D. Josek
Франција во вонредна состојба
Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.
Фотографија: picture-alliance/abaca/E. Blondet
Берлинските знамениости затворени
Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.
Фотографија: picture-alliance/dpa/M. Kappeler
Туризмот во режим на спиење
Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.
