За првпат од 2010 година Грција успеа да издаде десетгодишна обврзница. Експертите сепак предупредуваат: ова е далеку од голем успех. За земјата остануваат уште многу домашни задачи.
Фотографија: picture alliance/dpa/B.Roessler
Реклама
Високо задолжената земја сакаше од пазарот да позајми 2,5 милијарди евра. На крајот доби понуди вредни над 11 милијарди. Според грчките медиуми, интересот за обврзницата бил толку голем што куферите биле наполнети уште во вторникот попладне. Најголем бил интересот кај доверители од Европа и САД. Каматата изнесува 3,9 проценти. Лошата вест: Тоа е далеку повисоко од останатите земји од еврозоната. Добрата: Со тоа се достигнува нивото од пред почетокот на кризата. Ни во минатото Грција не успеваше да се задолжува со многу пониска камата. За споредба, уште во 2003 година беше понудена 10-годишна обврзница на која се плаќаше камата од 3,91 отсто.
„Заемот беше позитивен исчекор, но не би зборувал за голем успех’, вели Панајотис Петракис, професор по економија на Универзитетот во Атина. Тој објаснува дека земја како Португалија, со слични структурни проблеми како Грција, во моментов плаќа 1,2 отсто камата за своите долгорочни државни обврзници. Според Петракис, ќе беше подобро да се почека уште малку и да се излезе на пазарот следната година.
Финансискиот експерт Костас Ступас има слично мислење. „Тоа што Грција пласираше долгорочна обврзница е добро; но каматата е далеку повисока во споредба со другите земји со висок долг“.
Грците тонат во сиромаштија
Стапката на сиромаштија во Грција е двојно зголемена и покрај милијардите евра помош. Повеќето Грци сѐ потешко ги покриваат трошоците, а голем дел од нив зависат од народните кујни за храна.
Сѐ поголем број на Грци едвај врзуваат крај со крај. И покрај тоа што во земјата седум години се слева финансиска помош вредна неколку милијарди евра, сиромаштијата е сѐ уште присутна. Ситуацијата со сиромаштијата во Грција е најсериозна во Европа и истата постојано се влошува.
Фотографија: Reuters/A.Konstantinidis
Три „спасувања“ за Грција
На фотографијата (Атина) се прикажани граѓани кои чекаат во ред за социјална помош. Финансиската криза принуди четири земји од Еврозоната да се обратат кај меѓународните кредитори. Ирска, Португалија и Кипар поминаа низ програми за спасување и нивните економии сега повторно бележат раст. Но на Грција, која прва доби финансиска помош во 2010 година, до сега ѝ беа потребни уште три пакети за помош.
Фотографија: Reuters/A.Konstantinidis
Живот во тешки времиња
Ева Агисалаки, 61, е поранешна учителка која волонтира во народна кујна на православната црква. Таа не се квалификува за пензија затоа што нејзиниот договор за работа истекол кога возраста за пензионирање била подигната на 67 години - мерка дел од програмата за спасување на Грција. Пензијата на нејзиниот сопруг била намалена од 980 на 600 евра - резултат на барањата на меѓународните кредитори.
Фотографија: Reuters/A.Konstantinidis
Повеќето Грци „само преживуваат“
Ева добива храна од народната кујна која ја дели со нејзината невработена ќерка и нејзиниот син. „Ние вегетираме“, вели таа додека ја поставува масата за следниот оброк: грав, леб, јајце, парче пица и јаболко. „Ние само егзистираме. Повеќето Грци само преживуваат“.
Фотографија: Reuters/A.Konstantinidis
Нема простување на долговите
Повозрасен маж продава костени пред зградата на парламентот во Атина за време на демонстрации за намалување на даноците. Меѓународните кредитори бараат зголемување на даноците и намалување на пензиите, но владата вели дека земјата има применето доволно мерки за штедење.
Фотографија: Reuters/A.Konstantinidis
Под границата на сиромаштија
Повозрасна жена гледа во донирана облека во народна кујна. Грција не е најсиромашната членка на ЕУ - стапките на сиромаштија се повисоки во Бугарија и Романија. Грција е на трето место. Податоците на Евростат покажуваат дека 22,2% од населението се соочува со сериозен недостиг од материјални средства.
Фотографија: Reuters/A.Konstantinidis
Надеж за подобро утре...
Маж трпеливо чека да ја испере облеката во Итака - мобилен волонтерски сервис за перење на облека. „Ги гледаме истите лица, но често има и нови“ вели Фанис Цонас, коосновач на иницијативата.
Фотографија: Reuters/A.Konstantinidis
7 фотографии1 | 7
Демонстрација на нормалност
Уште пред истекот на програмата за помош од ЕУ, премиерот Алексис Ципрас ги тестираше меѓународните финансиски пазари со петгодишна обврзница која беше издадена во 2017 година. На почетокот на 2019 тоа беше повторно сторено, но овојпат се работи за десетгодишна обврзница која се смета за вистински стандард кога е во прашање кредитната веродостојност на една држава.
За Владата во Атина од клучно значење беше преку издавањето на обврзницата да се демонстрира нормализација на состојбата. И моментот делуваше поволен откако американската рејтинг агенција Мудис го зголеми рејтингот на Грција за две нивоа на Б1. Притоа, Мудис го подобри и бонитетот на три грчки банки - што пак делува како изненадувачка одлука. Имено, грчките банки веќе со години страдаат од лоши заеми и губење на приходи. Т.н. „лоши заеми" на банките - кредити кои не се враќаат како што е договорено - претставуваат повеќе од 40 отсто од сите дадени заеми. Водечките грчки банки затвораат филијали и штедат на персонал.
Неодамна и Комисијата на ЕУ побара реформи во банкарскиот сектор. При неговата последна посета, на почетокот на месецов, комесарот за економија Пјер Московиси ги критикуваше одложувањата во овој сектор и побара јасни политички одлуки.
