Грција мора повторно да ги крати пензиите и да ги покачува даноците за да заштеди пари, за што парламентот даде зелено светло. Ова е предуслов за исплата нова транша од финансиската помош од кредиторите
Фотографија: Imago/ZUMA Press/N. Georgiou
Реклама
Новиот пакет мерки за штедење меѓу другото предвидува повторно кратење на пензиите и зголемување на даноците. Тој беше инициран од грчките кредитори - ЕУ и ММФ. За возврат, Грција треба да добие натамошни исплати од финансиската помош.
Грчкиот премиер Алексис Ципрас од левичарската партија Сириза во својот говор пред парламентарците истакна дека мерките се тешки, но неопходни заради стабилизирање и опоравување на земјата. Владата очекува преку новите резови да бидат заштедени околу 4,5 милијарди евра.
Премиерот Ципрас се надева на отпис на долговитеФотографија: Reuters/A. Konstantinidis
Свеж капитал или отпис на долговите?
Високозадолжената земја на финансиски план сѐуште не стои на сопствени нозе. Пред Грција во јули да порамни долгови од седум милијарди евра, мора да земе нови кредити од ЕУ и ММФ. Министрите за финансии од еврозоната идната недела треба да донесат одлука дали ќе одобрат нови финансиски средства. Ципрас во парламентот изрази надеж дека новите мерки за штедење ќе го отворат патот и кон од неговата влада долго бараниот отпис на долгови: „По седум години криза, се надеваме дека конечно со кредиторите ќе постигнеме глобален договор, кој ќе опфаќа и должнички олеснувања.“ И ММФ бара ваков чекор, зашто смета дека на поинаков начин не е решлив проблемот со грчкиот огромен долг. Меѓутоа, германската влада решително се спротиставува на ваков потег.
Незадоволство поради кратењата
Во знак на протест поради најновите кратења, бројни Грци во текот на оваа недела излегоа на протести. Грчките бродски превозници штрајкуваат веќе четири дена, поради што грчките острови без аеродроми се практично отсечени од надворешниот свет. Синоќешните синдикални протести пред грчкиот парламент, кои почнаа мирно, подоцна ескалираа со фрлање молотови коктели врз полицијата, која пак реагираше со употреба на солзавец. Ситуацијата по неколку часа се смирила.
Грците тонат во сиромаштија
Стапката на сиромаштија во Грција е двојно зголемена и покрај милијардите евра помош. Повеќето Грци сѐ потешко ги покриваат трошоците, а голем дел од нив зависат од народните кујни за храна.
Сѐ поголем број на Грци едвај врзуваат крај со крај. И покрај тоа што во земјата седум години се слева финансиска помош вредна неколку милијарди евра, сиромаштијата е сѐ уште присутна. Ситуацијата со сиромаштијата во Грција е најсериозна во Европа и истата постојано се влошува.
Фотографија: Reuters/A.Konstantinidis
Три „спасувања“ за Грција
На фотографијата (Атина) се прикажани граѓани кои чекаат во ред за социјална помош. Финансиската криза принуди четири земји од Еврозоната да се обратат кај меѓународните кредитори. Ирска, Португалија и Кипар поминаа низ програми за спасување и нивните економии сега повторно бележат раст. Но на Грција, која прва доби финансиска помош во 2010 година, до сега ѝ беа потребни уште три пакети за помош.
Фотографија: Reuters/A.Konstantinidis
Живот во тешки времиња
Ева Агисалаки, 61, е поранешна учителка која волонтира во народна кујна на православната црква. Таа не се квалификува за пензија затоа што нејзиниот договор за работа истекол кога возраста за пензионирање била подигната на 67 години - мерка дел од програмата за спасување на Грција. Пензијата на нејзиниот сопруг била намалена од 980 на 600 евра - резултат на барањата на меѓународните кредитори.
Фотографија: Reuters/A.Konstantinidis
Повеќето Грци „само преживуваат“
Ева добива храна од народната кујна која ја дели со нејзината невработена ќерка и нејзиниот син. „Ние вегетираме“, вели таа додека ја поставува масата за следниот оброк: грав, леб, јајце, парче пица и јаболко. „Ние само егзистираме. Повеќето Грци само преживуваат“.
Фотографија: Reuters/A.Konstantinidis
Нема простување на долговите
Повозрасен маж продава костени пред зградата на парламентот во Атина за време на демонстрации за намалување на даноците. Меѓународните кредитори бараат зголемување на даноците и намалување на пензиите, но владата вели дека земјата има применето доволно мерки за штедење.
Фотографија: Reuters/A.Konstantinidis
Под границата на сиромаштија
Повозрасна жена гледа во донирана облека во народна кујна. Грција не е најсиромашната членка на ЕУ - стапките на сиромаштија се повисоки во Бугарија и Романија. Грција е на трето место. Податоците на Евростат покажуваат дека 22,2% од населението се соочува со сериозен недостиг од материјални средства.
Фотографија: Reuters/A.Konstantinidis
Надеж за подобро утре...
Маж трпеливо чека да ја испере облеката во Итака - мобилен волонтерски сервис за перење на облека. „Ги гледаме истите лица, но често има и нови“ вели Фанис Цонас, коосновач на иницијативата.
