Грчкиот премиер Кирјакос Мицотакис најави дека неговата земја ќе ги отвори границите за туристи на 15 јуни и ќе почне да ги враќа меѓународните летови од 1 јули за да и помогне на економијата.
Фотографија: Getty Images/M. Bicanski
Реклама
Мицотакис е уверен дека доброто справување со коронавирусот во неговата земја ќе биде „пасош за безбедност, кредибилност и здравје“. Грција досега имаше помалку од 170 жртви од коронавирусот.
„Туристичкиот период ќе започне на 15 јуни, кога ќе можат да отворат хотелите, а директните меѓународни летови до нашите туристички дестинации постепено ќе започнат од 1 јули“, рече Мицотакис.
„Ќе победиме во економската војна како што победивме и во здравствената“, вели грчкиот премиер.
Министерот за туризам Хари Теохарис најави дека до крајот на мај ќе биде објавена листа на земји со кои ќе се воспостават авионски линии и рече дека Атина ќе се фокусира на заживување на патничкиот фронт „од Балканот до Балтикот“.
Бугарските државјани и северно-европејците вклучително и Германците ќе бидат меѓу првите гости, заедно со Кипраните и Израелците. Туристите нема да бидат тестирани на вирусот, ниту ќе одат во карантин, но во туристичките места ќе се вршат повремени тестирања од епидемиолошки причини.
Во 2019 година Грција ја посетиле 34 милиони гости кои донеле приход од над 18 милијарди евра. За да се зголеми привлечноста на земјата како туристичка дестинација, Мицотакис најави дека ќе се намали и данокот на транспорт од сегашните 24 на 13 проценти.
Археолошките локалитети беа отворени за посетители неделава, а од следната ќе се отворат и ресторанитеФотографија: picture-alliance/dpa/A. Vafeiadakis
Коронавирус: Туристички атракции без посетители
Поради коронавирусот морничава тишина владее на многу туристички знаменитости, особено во Италија, но и во други земји. Погледнете како изгледаат овие места сега без вообичаените турканици..
Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.
Фотографија: picture-alliance/dpa/Zuma/G. Galazka
Тивкиот Милано
На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.
Фотографија: picture-alliance/dpa/AP/L. Bruno
Празни места во Мадрид
По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.
Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.
Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.
Фотографија: picture-alliance/dpa/AP/D. Josek
Франција во вонредна состојба
Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.
Фотографија: picture-alliance/abaca/E. Blondet
Берлинските знамениости затворени
Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.
Фотографија: picture-alliance/dpa/M. Kappeler
Туризмот во режим на спиење
Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.
