Пандемијата го одредува животот во Европа. Но, една земја се истакнува во сузбивањето на заразата – Грција. Влада ја држи ситуацијата под контрола, населението е дисциплинирано.
Фотографија: Getty Images/AFP/A. Tzortzinis
Реклама
По десетгодишна криза во Грција имаше знаци на економско опоравување. Но, коронавирусот го прекина таквиот тренд. Здравствениот систем беше веќе исцрпен поради долгогодишните мерки на штедење. Поради тоа пандемијата во Грција можеше да има катастрофални последици.
Првиот случај на заболен во Грција е регистриран на 26 февруари, а првиот смртен случај на 12 март. До средината на месецот починаа уште 14 лица. Од тогаш јавниот живот во Грција е целосно запрен. Затворени се сите образовни институции, угостителски објекти, културни установи, продавници и паркови, како и плажи и спортски арени. Медиумите деноноќно го повикуваа населението да остане дома. Оние кои ги кршеа правилата мораше да се соочат со драстични казни.
„Мерките се воведени многу порано отколку во поголемиот дел западни земји," вели политикологот и економист Јоргос Пагулатос, кој е на чело на Фондацијата за европска и надворешна политика (ЕЛИАМЕП). „Владата реагираше многу компетентно, ги слушаше советите на вистинските луѓе и носеше исправни одлуки," вели тој и додава дека грчката влада на вистински начин комуницираше со граѓаните и ги мотивираше да останат дома. Пагулатос вели дека подготвеноста на Грците да ги применат владините мерки е резултат на економската криза: „Грција речиси непрестајно беше во кризна состојба. Така што општетството беше многу подобро подготвено на вонредна ситуција“, Тој нагласува дека речиси и не постои Грк кој не бил погоден од економската криза, па така е изграден „колективен имунитет против вообразеност “
Животната средина зема здив во време на короната
Луѓето се дома, фабриките прават пауза - тоа се одразува и на животната средина. Промените во животната средина се забележливи на најразлични начини ширум светот.
Фотографија: Getty Images/C. Furlong
Во Велс козите го заземаат просторот
Онаму каде што човекот се повлекува, животните си го враќаат животниот простор. На речиси сосема празните улици во британското крајбрежно место Ландидно, си се шета стадо диви кози. Тоа не им е првпат, но сега не им пречи никој. Додека луѓето се затворени дома, козите слободно може да се нафрлат на своето омилено јадење: грмушките крај патот.
Фотографија: Getty Images/C. Furlong
Планета на мајмуните?
Во тајландски Лопбури луѓето се навикнати на мајмуните. Но, во моментов животните се невообичаено напрегнати. Причина за нивните борби е можеби тоа што немаат доволно храна, поради тоа што нема туристи. За мајмуните во Лопбури и други за другите животни кои се навикнале да добиваат храна од луѓето, корона-кризата е голема промена.
Фотографија: Reuters/Soe Zeya Tun
Во Катманду се дише подобро
Чист планински воздух во главниот град на Непал е само желба. Катманду се вбројува во градовите со најзагаден воздух во светот. Градот лежи во долина, во која смогот е „заклучен“ од околните планини. Но, откако владата на 23 март објави забрани за излегување, градскиот сообраќај речиси замре. Оттогаш квалитетот на воздухот е значително подобар.
Помалку возила на улиците, помалку авиони на небото, помалку фабрики кои работат - корона-пандемијата и во Германија донесе намалување на штетните издувни гасови. Според прогнозите, Германија со тоа може дури и да ги постигне климатските цели за 2020 година, се разбира доколку по кризата не се испуштаат што е можно повеќе штетни гасови.
Фотографија: Reuters/Soe Zeya Tun
Кога гондолите се покриени ...
Каналите во Венеција, кои вообичаено се полни со бротчиња и гондоли, сега се празни, а водата е толку бистра, што може да се види дното. Но, тоа нема врска со подобрен квалитет на водата, објасни портпарол на градот за Си-Ен-Ен. Поради намалениот сообраќај, сега само талогот е на дното. Но, она што и овде е дефинитивно подобрено е квалитетот на воздухот.
Фотографија: Reuters/M. Silvestri
Паузата заврши?
Додека во многу земји економијата е во застој, во Кина повторно се почнува со работа, како во оваа фабрика за батерии во Анхуи. Со тоа завршува и паузата за земање здив на животната средина.
Фотографија: Getty Images/AFP
6 фотографии1 | 6
Постарите лица се дел од семејството
Одредено влијание веројатно одигра и структурата на населението. „Мерките пред се беа насочени кон тоа постарите лица да преживеат. На поголемиот дел од Грците нивните постари членови на семејството им живеат во близина," вели Алексија Лијакунаку која предава на еден лондонски универзитет, а тема на нејзиниот докторат била токму структурата на грчкото општетсво. „Поголемиот дел од Грците сфаќаат до која мера оваа земја е лошо опремена за здравствена криза која може да избега од контрола", констатира таа.
На 15 април, 50 дена од избивањето на епидемијата, во Грција има регистрирано 2200 зразени и 102 смртни случаи. Италија на педесеттиот ден од првата инфекција имаше 41000 инфицирани и 3400 мртви, додека Шпанија броеше 17.200 заразени и 167 смртни случаи. Статистиките од интензивна нега исто така е индикатор за успешноста на одбрамбените мерки. Од првиот смртен случај во Гцрија во просек умираа по три лица дневно од заразата.
Економијата под притисок
Кризниот менаџмнет во Грција е добар, но економската цена може да биде голема. Меѓународниот монетарен фонд предупреди дека во еврозоната Грција може да забележи најголем пад на БДП – дури десет одсто. Уште попесимистички се прогнозите на Организацијата за економска соработка и развој за можните економски последици од здравствената криза – според нив падот на БДП може да изнесува дури и до 35%. Стапката на невработеност пак од јануарските 16% може да се искачи на 26%.
Фотографија: Getty Images/AFP/L. Gouliamaki
Марија Демерцис, заменик директор на бриселскиот тинк-тенк Бројгел смета дека на Грција ќе и биде потребна помошта од партнерите. Во тоа спаѓа и одлуката на Европската централна банка да ги прифати грчките државни обврзници како гаранција. Таа вели дека Грција имала „голем пех“ поради пандемијата, бидејќи земјата беше на граница да излезе од десетгодишната рецесија. Марија Демерцис нагласува дкеа сега е важно земјата да не го загуби реформскиот замав.
Пандемијата како шанса
Пагулатос во кризата од пандемијата гледа шанса, да се промени стопанството кое е претежно фокусирано кон туризам. „Кризата ја катапултираше Грција кон дигитализација. Тоа отвора можности да се надградат техонолошките сектори како што се ИТ безбедност и други онлајн услуги“.
Така дел од шалтерските услуги за кои во Грција било нормално да се чека во ред, преку ноќ се дигитализирани. Марија Демерицис вели дека во Грција може да стане важно производството на оддржлива природна енергија, бидејќи во земјата има голем потенцијал за тоа.
Коронавирус: Туристички атракции без посетители
Поради коронавирусот морничава тишина владее на многу туристички знаменитости, особено во Италија, но и во други земји. Погледнете како изгледаат овие места сега без вообичаените турканици..
Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.
Фотографија: picture-alliance/dpa/Zuma/G. Galazka
Тивкиот Милано
На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.
Фотографија: picture-alliance/dpa/AP/L. Bruno
Празни места во Мадрид
По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.
Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.
Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.
Фотографија: picture-alliance/dpa/AP/D. Josek
Франција во вонредна состојба
Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.
Фотографија: picture-alliance/abaca/E. Blondet
Берлинските знамениости затворени
Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.
Фотографија: picture-alliance/dpa/M. Kappeler
Туризмот во режим на спиење
Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.
Фотографија: picture-alliance/dpa/P. Zinken
8 фотографии1 | 8
Владата од денес (04.05) чекор по чекор воведува олабавување на рестриктивните мерки. Сотирис Кордас, по природа е тивок човек е главниот епидемиолог на кој Грците му веруваат. Тој секој ден и се обраќа на нацијата во 18.00 часот со најнови информации за пандемијата. Неодамна ги заколна Грците да не попуштаат: „Ситуацијата е добра, но може брзо да излезе од контрола. Немој да станеме вообразени, немојте да го изложиме на ризик сето она што го постигнавме. Мораме и понатаму да го спречуваме ширењето на вирусот.„
