Данска ќе убие 17 милиони животни поради коронавирусот
БГ /РТР
5 ноември 2020
Данските власти соопштија дека планираат да ја уништат целата популација на визони (животни од семејството куни, ласици) откако кај нив беше откриена мутација на коронавирусот која се пренесува врз луѓето.
Здравствените власти во Данска пронајдоа траги од вирусот кај луѓето и кај куните кои покажуваат намалена чувствителност на антитела, поради што се намалува ефикасноста на идната вакцина, соопшти данската премиерка Мете Фредериксен.
„Имаме голема одговорност кон нашето население, но со мутацијата која беше откриена, имаме уште поголема одговорност и кон остатокот од светот, исто така“, изјави Фредериксен на прес-конференција.
Откритието, кое било споделено со Светската здравствена организација (СЗО) и со Европскиот центар за превенција и контрола на болести, било базирано врз лабораториски тестови во државниот Институт.
Шефот на итните програми на СЗО, Мајк Рајан минатата недела повика на целосно научно истражување на комплексните состојби во кои луѓето ги заразуваат куните, а потоа тие ги резаразуваат луѓето со мутирана варијанта.
„Бевме информирани од Данска за бројни луѓе кои биле заразени од вирусот од визон, со некои генетски промени во вирусот“, соопшти СЗО.
Кои животни го пренесуваат коронавирусот?
Неодамнешна студија открива дека мачките можат да бидат заразени со Ковид-19, и можат да им го пренесуваат вирусот на други животни- во лабораторски услови. Кај другите домашни животни, ризикот е помал.
Фотографија: picture-alliance/F. Herrmann
Да се галат или не?
Истражувачите на Ветеринарниот институт Харбин во Кина открија дека коронавирусот може да се пренесува меѓу мачки. Домашните мачки исто така можат да го пренесуваат вирусот натаму на други животни, но тоа не е лесно, вели Хуалан Чен, водечки истражувач во студијата која беше објавена во журналот "bioRxiv" на 31 март годинава.
Фотографија: picture-alliance/dpa/K-W. Friedrich
Без грижа
Но нема потреба од паника меѓу сопствениците на мачки, затоа што тие не се заразни долго време. Сепак, сопствениците на мачки со хронични болести, или постарите, треба привремено да ги ограничат контактите доколку мачките слободно го напуштаат домот. Здравите луѓе треба да ги мијат рацете откако ќе ги погалат.
Фотографија: picture-alliance/imageBroker
Кучињата се безбедни
За разлика од мачките, вирусот не може лесно да се реплицира кај кучињата, тврдат истражувачите. Оттука, слободно шетајте го и негувајте го вашиот пес.
Фотографија: DW/F. Schmidt
Кој кого заразува?
Оваа домашна свиња која шета низ улиците на Рим не треба да се плаши од кучиња. А и кучето нема потреба да стравува од својот забрефтан ривал. Ветерираните тврдат дека свињите не се сметаат за природен резервоар за коронавирусот.
Фотографија: Reuters/A. Lingria
Карантин за ласиците
Кај овие цицачи од групата Мустилида состојбата е поинаква. Хуалан Чен ги истражувал и ласиците и утврдил дека и тие го шират Ковид-19, исто како и мачките. Ширењето меѓу животните се случува преку респираторни капки. Истражувачите го пронашле вирусот во брисеви земени од грлото и носот на ласиците, но не откриле инфекција на белите дробови.
Научниците велат дека нема никаква опасност за одгледувачите на живина, како овој трговец во Вухан, Кина, каде беше откриен првиот случај на коронавирусот. Луѓето немаат за што да се грижат затоа што кокошките се практично имуни на Ковид-19, како и патките и другите слични видови.
Фотографија: Getty Images/China Photos
Кога луѓето се опасност за животните
Луѓето можат да се заразат од животни, но се случува и обратното. Четиригодишната малајска тигрица Надја од Зоолошката градина во Њујорк имаше позитивен тест на коронавирусот „Ова е првпат диво животно да се зарази од Ковид-19 од човек“, изјави главниот ветеринар на Зоолошката Пол Кале.
Фотографија: Reuters/WCS
Дали лилјаците се неправедно обвинети?
Лилјаците се сметаат за најверојатно преносници на Ковид-19, но ветеринарите веруваат дека во декември 2019 некое друго животно се јавило во Вухан како посредник меѓу нив и луѓето. Можеби ласиците или мачките?
Панголините се под сомнеж дека го пренесуваат вирусот. Истражувачи од Хонг Конг, Кина и Австралија го откриле вирусот во малезискиот панголин кој имал големи сличности со оној забележан кај човекот.
Фотографија: Reuters/Kham
9 фотографии1 | 9
Властите во Данска открија дека се откриени пет случаи на новиот подвид на вирусот на фарми за визони и 12 случаи кај луѓе. Се проценува дека во земјата има меѓу 15 и 17 милиони визони.
Појавата на коронавирусот на фармите за визони постојано се повторува иако властите од јуни годинава се обидуваат да ги убијат заразените животни.
Полицијата, армијата и резервните единици на Данска ќе бидат ангажирани во операцијата, рече Фредериксен.
Данскиот професор по ветеринарна медицина, Кристијан Зоне вели дека одлуката да се убијат животните е добра и ги повика својата земја, Кина и Полска целосно да го забранат одгледувањето на визоните.
Фармите за визони се особено распространети на северот на Данска.
„Најлошото сценарио е следната голема пандемија да започне токму од Данска“, вели директорот на државниот Институт за заразни болести Каре Молбак.
Изминативе месеци и Холандија и Шпанија одлучија да убијат неколку милиони визони во нивните земји, поради страв дека тие го шират коронавирусот.
