Датумот за преговори на Србија со ЕУ врзан за Косово
12 октомври 2011Во мислењето на Европската комисија за напредокот на Србија кон ЕУ, се вели дека земјата ќе биде подготвена да ги почне преговорите за членство кога „ќе дојде до вистински напредок“ во дијалогот Белград-Приштина.
Висок претставник на Европската комисија за агенцијата Бета изјави дека тоа значи оти „Европската комисија предлага Србија да добие статус на кандидат за членство во ЕУ, со разбирање дека ќе биде обновен дијалогот со Косово и во добра мерка ќе бидат применети досегашните договори во дијалогот“.
Неименуваниот висок претставник на ЕК додадава дека „датумот на почеток на преговори е практично исклучиво врзан со напредокот во дијалогот и опипливите чекори во средување на состојбите на северот на Косово“. Европската комисија, според неговите зборови, „за тоа ќе го известува Советот на министри на ЕУ, кој во секоја фаза може да даде заклучок за исполнување на тие услови и можен почеток на преговори“ со Белград.
Автор: ЕМФ/бета
Редактор: Б.Георгиевски