Демонстранти кампуваат пред ирачкиот парламент
1 мај 2016![](https://static.dw.com/image/19227701_800.webp)
Еден ден откако упаднаа во зградата на парламентот и ја демолираа пленарната сала барајќи реформи, илјадници демонстранти лојални на влијателниот шиитски клерик Моктад ал-Садр, денеска ги продолжија протестите пред парламентот.
Ирачкиот премиер Хајдар ал-Абади издаде наредба да се уапсат демонстрантите и да бидат казнети.
Премиерот ал-Абади го посети парламентот по заминувањето на демонстрантите и ја проверуваше штетата која демонстрантите ја предизвикале во салата за одржување на пленарните седмици и некои кабинети.
Приврзаниците на ал-Садр упаднаа во саботата во утврдената Зелена зона на Багдад, каде што се сместени државните институции и странските амбасади, и тргнаа на зградата на парламентот откако пратениците не ги изгласаа реформите на владата.
Упадот претставува драматична ескалација на политичката криза во Ирак, чии безбедносни сили паралелно војуваат и против „Исламската држава“.
Во двоен бомбашки напад во јужниот град Самава, попладнево загинаа најмалку 30 луѓе, а повеќе од 70 се повредени.