Во извештај на Обединетите нации објавен на денешниот Ден за заштита на животната средина се констатира дека во светот се рециклираат само девет проценти од вкупниот пластичен отпад којшто се продуцира, а тоа се околу девет милијарди тони.

Светската организација изразува загриженост пред сѐ поради пластиката за еднократна употреба, како што се пластичните кеси. Секоја година во светот во оптек се околу 5 илјади милијарди вакви кеси.

Пластиката ги полни депониите, а големи количества пластичен отпад завршува и во океаните, изјави шефот на организацијата на ОН за екологија - УНЕП, Ерик Золхајм. Тој побара „револуција“ во оваа сфера. „Мора наново да го дефинираме својот однос кон пластиката“, бара Золхајм. Според него, не е пластиката проблем сам по себе, туку „она што ние со нејзе го правиме“.

Повеќе: 

Европската Комисија планира забрана за пластичниот отпад

Каде со целиот отпад?

ОН во извештајот предлага низа мерки за намалување на количествата на пластичен отпад. Според предлозите, најефикасни се целните забрани и дополнителните давачки за употреба на пластика. Меѓутоа, она што е особено важно е мерките да бидат добро испланирани и применети, а токму во тој дел досега нема добри резултати, оценуваат ОН.