Клучната операција која доведе до конечен пораз на нацистите, самоубиство на Хитлер и пад на престолнината на Третиот Рајх се одвиваше од 16 април до 2 мај. Силите на Црвената армија, со големи жртви, успеаја да го освојат градот и да му го нанесат конечниот пораз на нацизмот.
Во следната фотогалерија потсетуваме на „Битката за Берлин“ низ архивски фотографии направени за време на операцијата на советските сили пред 75 години:
Пред 75 години заврши Втората Светска Војна со капитулација на нацистичка Германија пред антифашистичката коалиција. Решавачки притоа беше падот на престолнината на Третиот Рајх по операцијата на советските сили.
Фотографија: picture-alliance/akg-images„Што ќе посееш, тоа ќе пожнееш - од судбината не се бега“. Советските војници во ослободениот Берлин. Битката за градот траеше од 16 април до 2 мај 1945 година. Оваа фотогалерија содржи неколку фотографии направени пред 75 години во Берлин и на периферијата на градот.
Советската артилерија на периферијата на градот започнува да го гранатира Берлин.
Улични борби во градот за време на нападот во Берлин.
Советски тенк поминува покрај натписот „Берлин ќе остане германски“.
Советските војници се подготвуваат да пукаат со противтенковско оружје во областа Кепеник во југоисточен Берлин.
Плакатот „Напред, Сталинградци, победата е близу!“ - една од фотографиите направени во Берлин од воениот дописник Евгениј Халдем. Кадарот веројатно е наместен.
Црвеноармејците за време на нападот на Берлин се движат кон Рајхстагот.
Разурнатиот Рајхстаг во срцето на Берлин.
Знамето на победата над Рајхстагот. Фотографија на Владимир Гребнев, направена на 2 мај 1945 година по прекинот на уличните борби во Берлин.
Веројатно местото каде што биле запалени телата на Адолф Хитлер и Ева Браун, кои извршиле самоубиство на 30 април 1945 година.
Војници на Црвената армија во големата галерија на уништената нова канцеларија на Рајхот, официјалното седиште на Адолф Хитлер.
Германски војници кои се обиделе да избегаат од заробеништво облекувајќи се во женска облека. Фотографијата е направена на 11 мај 1945 година.
