Светската здравствена организација соопшти дека во светот од депресија страдаат над 300 милиони луѓе. Во Македонија бројот на депресивни луѓе е во пораст.
Фотографија: picture alliance/chromorange/Media for Medical
Реклама
Депресијата е во фокусот на денешниот Светски ден на здравјето. Според податоците на Светската здравствена организација, во периодот од 2005 до 2015 година бројот на дијагнози е зголемен за 18 проценти. Се предупредува дека во 2020 година депресиите би можеле да бидат втора најчеста болест. Веројатноста во одреден период од животот да се заболи од депресија, се проценува на 11 до 15 проценти. Притоа, жените се повеќе погодени од депресија отколку мажите, но исто така тие и побрзо бараат стручна помош.
Бројот на болнички лекувани пациенти од депресија и од депресивно растројство се зголемува и во Македонија. Во 2010 година бројот на болничко лекувани изнесувал 585, од кои 196 мажи и 389 жени, а во 2015 година тој број изнесувал 803 од кои 257 мажи, а 546 жени, што претставува пораст на болничко лекувани пациенти од 37 проценти.
Македонското здравство „клинички случај“
Состојбите во македонското здравство се загрижувачки.
Фотографија: DW/P. Stojanovski
Лекари без граници
Во периодот 2006-2015, бројот на лекари кои од Лекарската комора побарале потврда дека активно се занимаваат со клиничка медицина (потврда која им е потребна да работат во странство) се зголемил за речиси 20 пати. Македонските лекари кои секоја година пристигнуваат во Германија одлуката да заминат во странство ја носат поради економската состојба во државата и желбата за професионален развој.
Фотографија: DW/P. Stojanovski
Подобри услови за работа и живот
Според истражување на Хелтгрупер, 70% од докторите во Македонија во определен момент размислувале да заминат во странство. Факторите кои најмногу придонесуваат за тоа се: платата, работните услови и условите за живеење во земјата. Според истото истражување, докторите кои веќе емигрирале, на новите работни места се чувстуваат подобро, а 60% од нив воопшто не ни размислуваат да се вратат.
Фотографија: DW/P. Stojanovski
Целта е Германија
Во меѓувреме сѐ повеќе млади лекари масовно се запишуваат на курсеви за германски јазик. Јазичните училишта во земјата нудат специјализирани курсеви за докторите и студентите по медицина кои размислуваат по дипломирањето среќата да си ја бараат надвор од државата. Според анкети спроведени во регионот и во земјата, германски јазик во Македонија во моментов учат околу 63.500 луѓе.
Фотографија: picture alliance/dpa/R. Vennenbernd
Проекти
Најкрупните проекти во здравството се Клиничката болница во Штип, чија изградба е во тек и новиот Клинички центар - Скопје, најавен во 2012. Ветувањето на Тодоров беше дека Клиничкиот центар ќе биде изграден до 2017. година и дека ќе чини 70 милиони евра. По дваесетмесечен застој на градежните работи и неколку тендерски постапки, се издигна само цената на проектот – од 70 на 130 милиони евра.
Фотографија: DW/P. Stojanovski
Примарна здравствена заштита
Во меѓувреме голем број граѓани се соочуваат со недостаток од примарна здравствена заштита. Проблемот е најистакнат во гинеколошката пракса: Во 64 општини во Македонија нема или има недостаток од гинеколози, а ситуацијата е најсериозна во Шуто Оризари, каде нема ниту еден матичен гинеколог за повеќе од 8.000 жени.
Фотографија: DW/P. Stojanovski
Смртност на новороденчиња
Немањето на матичен гинеколог и редовна контрола на бременоста е фактор кој придонесува за зголемување на смртноста при породувањето и непосредно потоа. Според податоците на Заводот за статистика, во 2016. година починале 261 новороденче што претставува најголем број на починати новороденчиња во последните шест години. Во периодот од 2008 до 2016, во Македонија вкупно починале 2071 новороденчиња.
