Американскиот медиумски концерн Дизни со промена на стратегијата сака да воспостави директна врска со гледачите. Му врти грб на Нетфликс и стартува со свои стриминг-услуги.
Фотографија: picture-alliance/AP Photo/Disney, K. Phillips
Реклама
Дизни најавува стриминг-офанзива со свои услуги. Наредната година на интернет би требало да биде достапен спортски канал на Дизни - ЕСПН, а во 2019 година би требало да следува стриминг-сервис за филмовите и сериите на Дизни. Тие, барем на почетокот во САД, би требало да бидат достапни само на интернет. Затоа Дизни го откажува ексклузивниот договор со Нетфликс за домашниот пазар. Ваквата вест предизвика пад на акцијата на Нетфликс за повеќе од 3 проценти.
Потегот на Дизни би можел да го забрза менувањето на американскиот ТВ-свет. Досега канали како ЕСПН беа главно достапни со договори за кабелска или сателитска телевизија. Но, благодарение на стриминг-услугите, како оние на Нетфликс и Амазон Видео, толку многу содржини се веќе достапни на интернет, што сѐ повеќе домаќинства ги откажуваат своите скапи ТВ-претплати. Затоа шефот на Дизни, Роберт Ајгер, сега со промена на стратегијата се обидува да воспостави директна врска со гледачите.
Роберт Ајгер има нова стратегија за развој на Дизни, која веројатно сосема ќе го промени ТВ-светот во САДФотографија: picture-alliance/dpa/M. Reynolds
По овој пат веќе се тргнати и други медиумски сервиси. На пример, ХБО веќе ја прикажува својата програма онлајн, а и Си-Би-Ес во понеделникот најави дека стриминг-понудата ќе биде достапна и во други земји. Дизни со својата палета фигури кои им се омилени на децата, со студиото Пиксар за анимирани филмови, како и Марвел-супер хероите и Војна на ѕвездите, е магнет за гледачите и е практично лига за себе.
Волт Дизни, пионерот на цртаниот филм
Студиото „Волт Дизни“ денес е најуспешно во светот. Обемна книга сега потсетува на генијалниот американски аниматор и филмски пионер, кој почина пред половина век.
Фотографија: 2016 Disney Enterprises, Inc.
Умешност
Волт Дизни, роден во Чикаго во 1901 година, беше генијален аниматор. Книгата која ја издаде келнската книгоиздавачка куќа „Ташен“ сега го документира талентот на Американецот, кој направи стотици цртежи.
Фотографија: 2016 Disney Enterprises, Inc.
Почетоците на филмската работа
Уште во 1920-тите младиот Волт Дизни почна со работа на филм. Неговиот филмски серијал „Alice Comedies“ беше мешавина од цртан и реален филм. На фотографијата: сцена на сет со детската ѕвезда Вирџинија Дејвис од „Walt Disney Alice’s Spooky Adventure“.
Фотографија: Walt Disney Archives Photo Library
Големите филмови
Книгата со над 1500 фотографии ја следи детално кариерата на Волт Дизни, од почетоците сѐ до смртта на 15 декември 1966 година. Во фокусот се големите авантуристички филмови на аниматорот, режисер и продуцент Дизни. Во 1937 година, со „Снежана и седумте џуџиња“, на репертоарот во кината првпат се најде долгометражен цртан филм и - постигна огромен успех.
Фотографија: 2016 Disney Enterprises, Inc.
Легендарните фигури
Фигурите на Дизни, како што е Мики Маус, се светски познати. Притоа, токму авторството на оваа фигура е спорно. За „татко“ на Мики Маус важел уметничкиот директор на Дизни, Аб Ајверкс. Волт Дизни се откажал од цртање во 1926 година, но ги задржал сите конци в раце. Важел за перфекционист и без негова согласност од продукцијата не смеела да излезе ниту една фигура.
Фотографија: 2016 Disney Enterprises, Inc.
Фантазија без граници
Во 1940-тите и 1950-тите се создадени најголемите авантуристички филмови на Дизни: „Пинокио“, „Дамбо“, „Бамби“, „Фантазија“, „Пепелашка“, „Алиса во земјата на чудата“ и во 1953 година - „Петар Пан“ (на фотографијата). Тие се прекрасно нацртани и го пренесуваат гледачот во светот на чудата и соништата. Се чини, фантазијата нема граници.
Фотографија: 2016 Disney Enterprises, Inc.
Како настанува еден анимиран филм?
На филмовите на Дизни работат илјадници луѓе, пред сѐ илустратори, графичари и сликари. Додека готовиот производ да се најде во кината, се прават стотици скици. Потоа сѐ се појавува под едно име: Волт Дизни. Овде: скица од „Трнорушка“ од 1959 година.
Фотографија: 2016 Disney Enterprises, Inc.
Класика
Кога се вртат страниците на огромната книга за Волт Дизни, навираат сеќавања - на филмовите кои постарите гледачи некогаш ги гледале во кината, а помладите на телевизија или на ДВД. Легендарните филмски успеси како „Бамби“ (1942) повторно оживуваат.
Фотографија: 2016 Disney Enterprises, Inc.
The Walt Disney Film Archives
Книгата „The Walt Disney Film Archives. The Animated Movies 1921 - 1968“ настана во соработка со Волт Дизни-Архивите и библиотеките во САД. Автор е Даниел Котеншулте. Книгата ја издаде книгоиздавачката куќа „Ташен“ од Келн, ISBN 978-3-8366-5291-2.
