Членовите на Државната изборна комисија ваквата одлука ја донесоа со просто мнозинство, односно со четири гласа „за“ и три гласа „против“, со што го прифатија приговорот поднесен од страна на СДСМ.

По однос на другата претставка од СДСМ, во која било наведено дека ВМРО-ДПМНЕ го прекршила Изборниот законик и предвреме почнала со кампањата, членовите со два гласа „за“ и четири „против“ се изјаснија дека во овој дел немало прекршувања, бидејќи во тој момент немало листи со пратенички кандидати.

За попладнево (25.03) е закажано продолжение на седницата на Државната изборна комисија на која треба конечно да го заклучи избирачкиот список за претседателските избори.