Катастрофата со Галакси Ноут 7 очигледно ништо не му може на Самсунг: електронскиот џин од Јужна Кореја во изминатиот квартал забележал двојно поголема добивка.
Фотографија: Getty Images/AFP/J. Yeon-Je
Реклама
Од октомври до декември 2016 година Самсунг остварил добивка од 5,7 милијарди евра. Тоа е највисока добивка во последните три години, а придонес за тоа дале сите важни делови од електронскиот концерн. Самсунг е светски лидер во делот на мобилна телефонија, мемориски чипови и телевизори со рамни екрани.
Огромна е добивката на делот за чипови. Самсунг соопшти дека тука добивката е зголемена за дури 77 проценти. Аналитичарите оценуваат дека тоа се должи пред сѐ на големата побарувачка од Кина. Производителите на мобилни телефони од Кина се обидуваат преку подобри камери и поголема моќ за меморирање на своите производи да ги претекнат на пазарот Самсунг и Епл. Меѓутоа, чиповите за таа цел повторно доаѓаат од - Самсунг.
„Сметаме дека Самсунг и годинава, благодарение на растечките цени на чиповите, ќе забележи нови рекорди во добивката“, оценува Грег Ро, аналитичар во ХМЦ Инвестмент Секјуритис. И Самсунг прогнозира дека изгледите за годинава се сосема добри. Во 2017 година Самсунг и покрај политичките несигурности во светот, ќе оствари поголема добивка, се оценува во соопштение на концернот.
20 години од првиот смартфон
Милијарди луѓе ширум светот не можат да си го замислат животот без смартфон.Поминаа точно 20 години откако првиот таков телефон се појави на пазарот. Во Македонија, во меѓувреме, во оптек се над два милиони мобилни уреди
Фотографија: DW/M.Bösch
Импресивен диносаурус
Вака изгледаше првиот смартфон. Овој уред беше произведуван од Нокиа и го носеше името 9000 Комуникатор (9000 Communicator). За прв пат во историјата мобилен телефон имаше функции како персонален компјутер. На „малата направа“ можеше да се користи канцелариски софтвер, да се „сурфа“ на интернет, а имаше и опција за факс. Продажбата започна на 15 август 1996 година, а цената изнесуваше 1.400 евра.
Фотографија: dpa/Nokia
Модерен и моќен
Во наредните десетина години модерните смартфони забележаа значителен развој. Денес тие тежат помалку, а се способни да извршуваат многу повеќе функции за многу брзо време. Имено, денешните смартфони имаат поголем капацитет за компјутерски операции и пресметки од компјутерите кои биле користени од мисијата на Аполо 11 за слетување на месечината.
Фотографија: Getty Images
Неочекувани ефекти
Постојат илјадници апликации кои придонесуваат на корисниците на смартфоните никогаш да не им биде здодевно. Дел од нив се особено корисни за државните органи. Властите во Индонезија користат донирани уреди за да откријат нелегално сечење на дрва преку апликација која постојано „слуша“, а кога ќе „чуе“ звук на моторни пили веднаш испраќа известуавње.
Фотографија: Getty Images
Телефонот како метеоролог
Истражувачите од мрежата „OpenSignal“ открија дека сензорите кои се наоѓаат во Андроид паметните телефони, а кои се користат за мерење на температурата на батеријата, интензитетот на светлината, како и сензорите за притисок - можат да бидат искористени за добивање на прецизни метеоролошки извештаи.
Фотографија: picture-alliance/dpa
Моќта е во урината
Научници од Бристол, Англија креираа уред кој со помош на човечката урина може да генерира електрична струја. Со 600 милилитри урина може да се добие доволно електрична енергија за 3 часа разговор. Исто така, кога сме веќе на темата смартфони и тоалети – речиси 100.000 смартфони годишно паѓаат во тоалетите на Британците.
Фотографија: Imago
Роаминг
Селин Еронс од Јужна Флорида се најде на насловните страници откако пред неколку години ја доби највисоката телефонска сметка во историјата. Таа мораше да плати 201.000 долари по интензивната смс-комуникација за време на нејзиниот одмор во Канада.
Фотографија: Imago
Надминати очекувања
Денес има 1.9 милијарди корисници на смартфони во светот и тој број постојано расте. Во глобални рамки, само во првиот квартал од оваа година биле продадени 349 милиони уреди, што споредено со истиот квартал минатата година изнесува зголемување за 3.9 проценти. Најпродаваниот телефон е Самсунг Галакси С7, по што следуваат Ајфон 6с и 6с Плус.