Метеоролозите во Австрија и во Германија очекуваат натамошни обилни снежни врнежи, а со тоа и заострување на и онака хаотичната ситуација во регионот на Алпите.
Фотографија: picture-alliance/dpa/T. Hase
Реклама
Снежи, снежи и уште повеќе снежи... Снежното невреме парализираше големи делови на Австрија и на германската покраина Баварија. Во алпскиот регион мора да се смета на уште околу половина метар нов снег до петок, објавија денеска метеоролозите. Поради опасноста од лавини се затворени пристапните патишта до многу места. Поради тоа заглавени во снегот и отсечени од светот, покрај мештаните, се и голем број туристи. Во некои региони во Австрија паднаа и до два метра снег. На Алпите, на двете страни од границата, без струја се над 4.000 домови. Воени хеликоптери им доставуваат храна на погодените.
Снег, снег и уште повеќе снег
Големото снежно невреме во јужна Германија и во Австрија предизвика хаос насекаде. Автомобили, улици и дрва се потонати во снег. На многу места сообраќајот е целосно во прекин.
Фотографија: picture-alliance/dpa/T. Hase
Едни се радуваат, други се нервираат
Екстремните снежни врнежи предизвикаа хаос на југот на земјата. Додека едните му се радуваат на снегот, други се нервираат.
Фотографија: Reuters/M. Dalder
„Сите со лопатите надвор“
На минхенскиот аеродром снегот и мразот целосно ги изместија плановите за летање и предизвикаа незадоволство кај патниците. Викендов беа откажани над 140 летови. „Ги извадивме сите лопати надвор и даваме се од себе“, напиша на твитер германската авиокомпанија Луфтханза.
Фотографија: Reuters/A. Gebert
На одмор на топло – ако стасате
Поради лошата видливост и снежните врнежи не беа само откажани летови. Безбедносните аеродромски власти во Минхен дозволуваа полетувања и слетувања само во големи временски интервали. Одмрзнување на авионите – како овој Ербас А321 – бара дополнително време.
Фотографија: picture alliance/dpa/S. Puchner
Ништо не мрда
30 километри сообраќаен застој – тоа е рекордот на автопатот 8 во Баварија. Кај Зигдорф има паднати дрва покрај коловозот. Снежното невреме во јужна Германија не предизвика само застој во сообраќајот туку и сообраќајни незгоди поради голомразица.
Фотографија: picture-alliance/dpa/B. März
Опасност од лавини
Пат во централна Австрија беше затворен и за возила и за пешаци поради опасност од лавина. Илјадници беа заглавени во скијачките центри во северниот дел на земјата откако властите затворија неколку патишта.
Фотографија: picture-alliance/dpa/Expa/M. Huber
Смрзнување со часови на пероните
Оној којшто си мислеше дека е посигурно да се вози со воз се пресметал. Поради снежните наноси многу возови не сообраќаат. На многу места има паднати дрва на шините поради тежината од снегот. Цели железнички линии се затворени.
Фотографија: imago/Action Pictures/P. Schatz
Екстремна акција во борба со снегот
Властите, пожарникарите и спасувачките екипи се обидуваат со сите сили да го одржат редот. Особено во локалниот и регионалниот сообраќај, екипите прават се да ги ослободат улиците и железничките шини од снежната маса.
Фотографија: picture alliance/dpaB. Spether
Зимска бајка
Убавата страна на снегот: во снежниот предел има еден чуден мир и спокој што предизвикува чуство на вистинска зимска бајка. Децата се радуваат: во некои региони е прекината наставата.
Според последните информации, во снежното невреме кое трае веќе седум дена загинале најмалку 15 лица, главно во лавини или поради паѓање на дрва, чии крошни не ги издржаа големите наноси на снег. Австриската полиција соопшти денеска дека едно 16-годишно момче загинало во лавина додека скијало во текот на вчерашниот ден. Инаку, новите масивни снежни врнежи создадоа проблеми и во средна Германија како и во делови на Чешка.
Повеќе за снежниот хаос на Алпите од двете страни на границата во следново видео:
