Април ќе влезе во историјата на германската надворешна трговија како месец со историски пад на извозот. Забележан е минус од 30 проценти во споредба со истиот период лани. Такво нешто немало од 1950-та.
Фотографија: HHM/T. Reincke
Реклама
Германскиот извоз во текот на корона-кризата се намалил како никогаш досега. Тоа се должи пред се' на рецесијата кај двата важни трговски партнера - САД и Франција. Во април германските претпријатија продале стока во странство во вредност од само 75,7 милијарди евра, односно 31,1% помалку од истиот период лани. Тоа е најголем пад откако се прават статистики од 1950-та.
„Падот на извозот тешко дека може да биде подраматичен“, вели шефот на одделот за надворешна трговија во Германската стопанска и индустриска комора (ДИХК), Фолкер Трајер. И покрај отворените граници и повторно забрзаната конјунктура во многу земји, извозниците во деловната 2020 година се соочени со невидени загуби. ДИХК и Сојузот на германската индустрија БДИ очекуваат минус од 15%.
Брз излез од минусот предизвикан од пандемијата на коронавирусот не е на повидок. „Во април е забележан најголем минус, а извозот од мај е повторно во нагорна линија, но опоравувањето е се' уште без доволно сила за да може да се покријат големите минуси“, оценува Штефан Коц од Институтот за светска економија во Кил. Поткрепа за ваквото тврдење се договорите за работа кои ги има во моментов индустријата ориентирана кон извоз. Нарачките од странство во април се намалија за дури 28,1% во споредба со март, затоа што важни земји каде се пласира германската стока за извоз, како муштеријата број еден, САД, се наоѓаат во рецесија поради короната и бараат помалку производи „Made in Germany“.
Кои фирми профитираат од коронавирусот
Стравот од коронавирусот тешко ги погодува финансиски пазари. Кога компаниите мора да ги коригираат своите прогнози за добивка и промет надолу, тоа е отров за курсот на акциите. Но, сепак има и такви кои профитираат.
Кога во последната недела од февруари курсот на акциите ширум светот драматично падна, акциите на платформата за видео стриминг успешно се спротиставија на трендот. Аналитичарите сметаат дека т.н. „останете дома“ акции , како оние на „Нетфликс“ можат да им обезбедат богатство на инвеститорите за време на појавата на коронавирусот, бидејќи на сѐ повеќе луѓе им се вели да останат дома.
Фотографија: picture-alliance/AA/M.E. Yildirim
„Откачете“ го фитнес-клубот
Акциите на фитнес старт-апот Пелотон Интерактив, кој произведува велосипеди за вежбање и, исто така, нуди фитнес часови преку интернет, скокнаа бидејќи стравот од коронавирусот може да поттикне многу фитнес ентузијасти да не одат во своите теретани и клубови и да се одлучат за понудите на Пелотон.
Шефот на фармацевската компанија „Модерна“, Стефан Банкелза кусо време стана милијардер откако компанијата испорача експериментална вакцина против коронавирусот за клиничко тестирање кај луѓето, со што се зголеми цената на нејзините акциите. И Лим Ви Чаи од Малезија, мнозински акционер во фирмата за медицински ракавици „Топ Глав“, влезе во клубот на милијардери среде избувнувањето на вирусот.
Останете дома, останете поврзани
Акциите на телеконференцискиот старт-ап „Зум Видео“ пораснаа речиси за 50% од февруари, откако инвеститорите проценија дека сѐ повеќе луѓе поради стравот од коронавирусот ќе работат од дома. Компанијата веќе придодаде повеќе активни корисници годинава - 2,22 милиони - отколку во целата 2019 година.
Фотографија: zoom.us
Празни полици во супермаркетите
Во супермаркетите, како германскиот „Реве“ и францускиот „Карфур“, прехранбените производи „летаат“ од полиците додека купувачите во паника ги зголемуваат домашните залихи. Затоа инвеститорите засилено вложуваат во акциите на компаниите за пакувана храна. И онлајн трговците, како Амазон, исто така, имаат поголема побарувачка, бидејќи купувачите поради страв од вирусот ги избегнуваат продавниците.
Произведувачите на маски за лице, дезинфекциски средства за раце и дезинфекциски марамчиња се сведоци на огромен раст на побарувачката, бидејќи купувачите бараат начини да се заштитат од вирусот кој брзо се шири. Фирмата „3M“, која меѓу останатото произведува и маски за лице, е една оние со најголема добивка.
Фотографија: picture-alliance/NurPhoto/Yichuan Cao
„Во секое време, насекаде“
Германската софтверска компанија „ТимВјуер“ која им овозможува на корисниците да работат од далечина (од дома), е сведок на голема побарувачка на нејзините услуги, особено во Кина, епицентарот на коронавирусот. На Франкфуртската берза цената на акциите на оваа компанија забележа огромен раст во изминатите неколку дена.
