Дали знаете дека дури и најмал стрес може да го зголеми вашиот ризик од хронично заболување? Или дека здраво срце ги прави „среќни“ вашите стомачни бактерии
Фотографија: Colourbox
Реклама
Познато е дека анксиозност, стрес и депресија може многу да влијаат врз психичкото здравје на човекот. Но, научниците на Универзитетот во Саутемптон и на Универзитетот во Едингбург во Англија открија дека дури и најмал или умерен стрес може да влијае врз нашето здравје на долг рок. Во период од три години, истражувачите собирале податоци за здравјето на повеќе од 16.000 лица и ја проучувале поврзаноста помеѓу психолошкиот стрес и развојот на хронични болести, како што се кардиоваскуларни болести, артритис и дијабетес.
Резултатите покажуваат дека луѓето кои доживеале низок степен на стрест, имале 57 отсто поголема веројатност да развијат артритис и 46 отсто поголем ризик за развој на кардиоваскуларни проблеми.
Луѓето, кои доживеале умерен степен на стрес, имале 72 отсто поголеми шанси да развијат артритис и имале 77 отсто зголемен ризик од развој на кардиоваскуларни болести.
Овие резултати покажуваат дека дури и мала психолошка болка треба да се сфати сериозно. Дома, луѓето можат да користат умствени вежби, како што се медитација, јога или пилатес за да го намалат нивото на стрес и да ја подобрат нивната физичка и ментална благосостојба.
Користете повеќе циметФотографија: Colourbox/Haivoronska_Y
Цимет – природен антибиотик
Отпорност на антибиотици станува се поголем глобален проблем. За да му се спротистават, научниците постојано бараат негови алтернативи. Една од нив може да биде цимет, вели последната студија на истражувачите од Технолошкиот универзитет Свиборн во Австралија.
Истражувачите се фокусираа на цинамалдехид (ЦАД), составен дел од маслото од цимет, кое му го дава на циметот неговиот специјален мирис и вкус. Тие анализирале дали ЦАД може да ги растури т.н. биофилмови. Биофилмовите се составени од комплексни структури на бактерии, кои често предизвикуваат постојани инфекции, отпорни се на антибиотици и може да резултираат со болест.
Студијата покажа: ЦАД делува како природен антибиотик со тоа што ги растура биофилмовите и тоа е потврдено кај 75,6 проценти од испитаните случаи. Исто така, се чини дека ЦАД спречува ширење на бактериите и формирање на нови биофилмови.
Физичката активност значи здравјеФотографија: Colourbox
Здраво срце – „среќен“ стомак
Сѐ повеќе научници се фокусираат на врската меѓу добрите бактерии и нашето здравје. Денес ни е познато дека микроорганизмите кои жиеат во нашиот стомак може да влијаат врз ризикот од хронични заболувања, менталното здравје и нашата благосостојба. Со други зборови секој треба да се осигура дека сопствените микроорганизми се „среќни“ и избалансирани.
Сѐ повеќе истражувања се фокусираат на врската помеѓу човековите цревни бактерии и нашето здравје. Денес знаеме дека микроорганизмите што живеат во нашиот стомак може да влијаат врз ризикот од хронични заболувања, менталното здравје и нашата целокупна благосостојба. На кратко, секој човек треба да се осигура дека микроорганизмите во сопственото тело ќе бидат „среќни“ и здрави.
Фантастичниот свет на лековитите билки
Луѓето користат лековити растенија со векови. Тие и денес во медицината играат голема улога. Сепак, на околу 4.000 лековити растенија им се заканува изумирање.
Фотографија: Fotolia/steheap
И за традиционалната и за модерната медицина
Лековитите растенија се познати со векови и се користат и денес. Побарувачката, меѓутоа, има последици - околу 4.000 од 70-те илјади видови растенија кои се користат, се загрозени, соопшти Светската унија за заштита на природата. Еколошките организации бараат заштита на ова природно богатство.
Фотографија: picture-alliance/dpa
Добро за кожата
Алое Вера потекнува од Африка. Денес расте во Средоземјето, Азија, Северна Африка и Блиски Исток. Алое Вера е под заштита. Нејзините листови, преработени во гел, се користат за третман на кожни заболувања или изгореници.
Фотографија: Imago
Тајната на Гете
Арниката расте во планините во Европа, Азија и Америка. Исушените цветови на арниката во вид на чај, маст или масло, се добри при повреди на мускулите, отоци, како и за поттикнување на циркулацијата и дишењето. Се вели дека Гете кога имал проблеми со срцето секогаш пиел чаша чај од арника.
Фотографија: Fotolia/Fel1ks
Вкусно и здраво
Артичоките не се само вкусни, туку имаат и лековито дејство кое им било познато дури и на старите Египќани и Римјани. Тие помагаат при стомачни болки, а нивното дејство се должи на флавоноидот и горчливите состојки во листовите.
Фотографија: CC-BY-SA-Brunswyk
Јужноамерикански трик
Татковината на болдото е Чиле, од каде што се увезува ова растение. Чајот од болдо е горчлив, но помага против грчеви во стомакот и проблеми со варењето.
Фотографија: CC-BY-SA- Penarc
Ја штити бешиката и бубрезите
Нема кој не ја знае копривата, која вирее речиси во цел свет. При допирот предизвикува болка, но ова растение има и тоа како добри особини. Неговите листови во вид на екстракт, чај или сок делуваат против болести на мочните патишта, реума и против камења во бубрезите. Освен тоа, екстракт од коренот на копривата е добар при проблеми со простатата и бешиката.
Фотографија: CC-BY-SA- Adampauli
Зајакнувач на имунолошкиот систем
Коренот на гинсенг е познат во традиционалната кинеска медицина повеќе од 2000 години. Во Европа бумот на оваа лековита билка почна дури во 20. век. Гинсенгот денес е загрозен поради преголемо користење. Тој потекнува од источна Азија и се увезува главно од Кореја. Гинсенгот во вид на чај го зајакнува имунолошкиот систем и е средство против замор, стрес и настинки.
Фотографија: CC-BY-SA-Lohrie
Ароматичен поттикнувач на апетит
Вкусот на ѓумбирот е омилен во божиќните пецива и азиската кујна. Коренот од југоисточна Азија го стимулира варењето и делува антисептички. Ѓумбирот во античка Грција и Рим го донесле арапските трговци.
Фотографија: Fotolia/awiec
Добра за стомакот и цревата
Камилицата е дома во цела Европа. Таа денес е позната ширум светот и ја има и на другите континенти. Цветовите и од нив добиеното етерично масло помагаат и внатрешно и надворешно, главно против болки во стомакот и воспаленија на кожата. Чај од камилица дејствува и смирувачки.
Фотографија: Fotolia/chulja
Жолт спасител на црниот дроб
Глуварчето е раширено на целата северна земјина полутопка. Растението помага против болести на црниот дроб, проблеми со жолчката, тешкотии со варењето и проблеми со бубрезите.
Фотографија: picture-alliance/dpa
Убава и смирувачка билка
Од маракујата се прави благокисел сок, кој е омилен. Листовите, меѓутоа, се медицински корисни. Тие дејствуваат против нервоза, благи депресии, проблеми со сонот како и против проблеми кои се јавуваат во време на климактериумот.
Фотографија: Fotolia/StefanRiedmüller
Богатство во кујната и во домашната аптека
Жалфијата вирее во Средоземноморскиот регион, но денес може да се најде во градините во цел свет. Таа не е само зачин. Чајот од жалфија има антибактериско дејство и помага против воспаленија на непцата или грлото. Преработки од жалфија помагаат и при проблеми со варењето и прекумерно потење.
Фотографија: Fotolia/steheap
12 фотографии1 | 12
Една студија на истражувачите од Државниот универзитет во Сан Франциско во Калифорнија покажа дека одржувањето на здраво срце со помош на физички вежби може да го зголеми бројот на „добри" стомачни бактерии.
Истражувачите го проучувале односот на бактериите Firmicutes со Bacteriodetes. Анализа на нивниот сооднос е стандардна мерка што се користи за проучување на здравјето на стомакот. Нерамнотежа е поврзана со разни болести.
Истражувачите откриле дека луѓето, кои редовно вежбаат и практикуваат кардиоваскуларен фитнес, исто така имале повисок процент на „добри" бактерии Firmicutes и Bacteriodetes. И оваа студија потврдува дека физичка активност и вежбање е најдобриот лек и може да го подобри здравјето на стомакот и целокупната благосостојба.
