Солидна соул-поп нумера. Швеѓаните ги погодија вистинските тонови. Со неговите четири госпел придружнички, Џон Лундвик може да се надева и на пласман меѓу првите 10 во финалето.

Кој ќе помислеше дека руската суперѕвезда Сергеј Лазарев, најавуван со голема помпа, ќе биде изненаден. Тој беше клониран и претставен на осум платна. Зад тоа стоеше комплицирана, но прецизно водена техника. Така и отпеа. Заслужен статус на фаворит.

Радио певлива поп-нумера која останува во уво, интерпретирана од убав пејач- тоа публиката го сака. Ќе се видиме во сабота, Чингиз!

Облачиња, постојана насмевка, мир, радост, палачинки. И тоа на четири јазици: англиски, германски, француски и дански. Леонора го погоди нервот на публиката. Ќе биде интересно во сабота.

Регетон со електро ритам, и една шарена претстава- боите во позадината се менуваа како кај камелеон, а пред нив се танцуваше. Публиката сака повторно да ја види Михаела со нејзината парти-нумера.

Данкан Лоренс веќе неколку недели е фаворит. Но одушевувањето малку подзапре. Затоа што неговиот настап беше толку неспектакуларен што разочара многу фанови. Но нумерата е добра, па ќе можеме да ја слушнеме повторно во финалето.

Лука Хани имаше добар настап. Германците го познаваат како победник на шоуто „Германија ја бара суперѕвездата“ во 2012 година. Во Тел Авив се смета за еден од фаворитите. Со право.

Оваа песна имаше се што една солидна евровизиска нумера треба да поседува: убави луѓе, мелодија која останува во сеќавање, ветер и оган. Фолклорниот момент доаѓа од самиот пејач кој јодлува во микрофонот традиционален Јоик.

Настапот на бината имаше многу сличности со рускиот претставник, затоа што и Тамара беше „клонирана“. Баладата, во споредба со другите, е убава и добро испеана. Тоа треба уште еднаш да се види во сабота. Настапот е интересен и поради тоа што земјата која порано се викаше Македонија, сега за првпат настапува под името Северна Македонија на Евровизија.

Пласманот на Јонида Малиќи во финалето е изненадување. Класично, со фолклорни елементи и многу ветер в грб таа ги освои симпатиите на публиката- и покрај тоа што често фалшираше.