Компјутерското програмирање и консултантски услуги повторно се најдоа на врвот на листата на највисоки просечни плати исплатени во февруари годинава
Фотографија: Fotolia/alexandro900
Реклама
Фирмите од областа на компјутерско програмирање, и консултантски услуги, фармацевтската индустрија, компаниите од областа на телекомуникациите и вработените во воздухопловниот транспорт имаат највисоки просечни плати во Северна Македонија, кои се движат од 40 до над 70 илјади денари. Најплатени и на почетокот на оваа година се информатичарите. Компјутерското програмирање и консултантски услуги повторно се најдоа на врвот на листата на највисоки просечни плати исплатени во февруари годинава, која што ја објави Државниот завод за статистика. Порастот на платите во неколку области ја крена и просечната нето плата во земјата. Според Државниот завод за статистика, просечната плата во февруари изнесува 27.948 денари и бележи раст од 2,7 проценти споредено со истиот период минатата година. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Информации и комуникации (10.1 %), Други услужни дејности (8.2 %) и Рударство и вадење на камен (7.5 %).
Покрај информатичарите, со подобри просечни плати од 55.895 денари на листата се најдоа вработените од стручни научни и технички дејности, фармацевтите – со просечна плата од 46.720 денари, вработените во воздухопловниот транспорт каде просечните месечни приходи на вработените се 43.372 денари, потоа вработените во компании за снабдување со електрична енергија и гас, каде просечната плата е 41.443 денари, а малку повисока просечна плата земаат и вработените во телекомуникациите – 41.742 денари. Во областа на информациите и комуникациите, пак, просечните плати се 53.104 денари.
Каде е поевтино: во Македонија или во Германија?
Нашиот заклучок: без оглед на огромната разлика во животниот стандард и просечната плата, цените во Германија во најголем дел се поевтини. Во Македонија осетно поевтини се само солта, кафето, овошјето и зеленчукот.
Фотографија: DW/K. Delimitov
Леб
Во просек, векна бел леб од 750 грама во Германија чини 0,85 евра (51 денар), а француски багет од 250 грама чини 0,60 центи (36 денари). Векна бел леб од 250 грама во Македонија чини 27 денари, а некаде достигнува и 39 денари.
Фотографија: DW/K. Delimitov
Масло за јадење
Еден литар од најевтиното сончогледово масло за готвење во Германија чини околу 1 евро (60 денари). Во Македонија еден литар од најевтиното масло чини 65 денари.
Фотографија: DW/K. Delimitov
Млеко
Еден литар кравјо трајно млеко со масленост од 3,2 проценти во Македонија може да се најде за најниски 38 денари, а просечната цена се движи околу 45 денари за литар. Во Германија, најевтиното млеко започнува од околу 0,55 центи (33 денари), а поскапото „Алпско“ млеко е околу 1 евро.
Фотографија: DW/K. Delimitov
Кашкавал
Кашкавалот од типот Гауда и Едамер во Македонија чини од 350 до 370 денари за килограм. Во Германија, холандската Гауда ќе ве чини околу 5 евра за килограм (300 денари), а Ементалер околу 5,4 евра (330 денари).
Фотографија: DW/K. Delimitov
Сол и шеќер
Сол во Германија чини околу 1,38 евра за килограм (85 денари), во Македонија 28 денари.
Килограм шеќер во Германија чини околу 0,69 центи (42 денари), а во Македонија најевтиниот кој го најдовме во супермаркет беше 38 денари за килограм.
Фотографија: DW/K. Delimitov
Ориз и брашно
Домашен ориз од втора класа во Македонија за 900 грама чини 46 денари. Во Германија, ориз од прва класа чини од 0,80 центи (48 денари) за килограм.Најевтиното брашно од Тип 400 во Македонија може да се најде за околу 24 денари за килограм. Истото во Германија чини од 0,30 центи (18 денари) за килограм.
Фотографија: DW/K. Delimitov
Јајца
Мала табла со шест јајца во Македонија чини околу 50 денари, а во Германија околу 1 евро (60 денари).
Фотографија: DW/K. Delimitov
Зеленчук
Доматите во Македонија чинат меѓу 80 и 120 денари за килограм, а во Германија - 2,50 евра (150 денари). Краставиците чинат 192 денари за килограм во Македонија, а во Германија 0,70 евра (42 денари) е едно парче кое вообичаено тежи меѓу 250 и 300 грама.
Килограм пиперки во Германија ќе ве чини околу 2,50 евра (150 денари), а во Македонија 125 денари.
Фотографија: DW/K. Delimitov
Овошје
Јаболката во Македонија се продаваат од 23 денари за килограм, па нагоре. Во Германија најевтините домашни јаболка не можете да ги најдете за помалку од 1 евро за килограм, а увозните достигнуваат и до 3 евра. Мандарини во Македонија чинат околу 45 денари за килограм, а во Германија 1,33 евра (80 денари) за килограм.
Фотографија: DW/K. Delimitov
Пиво и алкохол
Просечната цена на пивото е нешто пониска во Македонија и тоа само за домашните марки. „Хајнекен“ од 0,33 литри во Македонија чини 55 денари. Во Германија нешто под 1 евро, доколку купите „сикспек“. Поеетиното виски од 0,75 литри како „Џони Вокер“, „Балантајн“ или „Џејмисон“ во Македонија чини околу 1.000 денари. Во Германија истото има просечна цена од 10 евра (600 денари).
Фотографија: DW/K. Delimitov
Вино
Цените на виното во Македонија се релативно високи во споредба со она што се нуди на европските пазари. Најевтиното сортно македонско вино започнува од 170 денари за шише, а поквалитетното се нуди во просек за 500 денари. За споредба, македонско вино флаширано во Германија во овдешните супермаркети чини 1,6 евра (100 денари). Врвните сорти во Германија можат да се купат за просечни 6-7 евра.
Фотографија: DW/B. Georgievski
Шампони за коса и гел за туширање
Разликите се големи и во цените на шампоните за коса меѓу двете земји иако се работи за истиот маркет. Шампон „Пантен Про-В“ од 200 милилитри во Македонија чини 208 денари, а во Германија 1,45 евра или околу 90 денари. Гел за туширање од 250 мл на „Балеа“ во Македонија во просек чини околу 120 денари, а во Германија поголемо количество од 300 мл чини 0,55 евра или малку над 30 денари.
Фотографија: DW/K. Delimitov
Течен сапун и детергент
Течен сапун „Балеа“ во моментов се нуди на попуст во Македонија за 79 денари, а редовната цена му е 105 денари. Во Германија редовно се продава за 55 центи или за нешто повеќе од 30 денари, а на попуст и поевтино. Детергент „Персил“ за 20 перења во македонскиот ДМ чини 365 денари. Во германскиот ДМ истиот детергент по редовна цена се продава за 5,15 евра или околу 320 денари.
Фотографија: DW/K. Delimitov
13 фотографии1 | 13
За разлика од овие области, забележано е намалување на просечната месечна нето-плата по вработен, во однос на претходниот месец, и тоа во областа на Рударство и вадење на камен (9.0 %), Уметност, забава и рекреација (6.4 %) и Дејности на здравствена и социјална заштита (4.1 %).
Па така, во рударството просечната плата се движи околу 34. 491 денари, во преработувачката индустрија - 23. 690, во правните и сметководствени дејности - 35. 153 денари , а во научно истражување и развој - 36. 975 денари.
Оние коишто се занимаваат со маркетинг (реклама и пропаганда) и истражување на пазарот – просечно во февруари земале плата од 36.566 денари, а за нијанса помала плата добиле вработени во здравствената заштита – 35.859 денари.
Просечната плата во образованието е 27.546 денари, додека малку е повисок просекот на плати во библиотеки, архиви, музеи и останати културни дејности - 29. 311 денари.
Филмска дејност, продукција на видео и телевизиска програма и дејности на снимање звучни записи и музичко издаваштво има просечни плати од 27. 750 денари, додека вработените во коцкарници и обложувалници во просек земаат по 23.169 денари.
Најниски просечни плати во февруари годинава имале вработени во туристички агенции, организатори на патувања (туроператори) – 16. 818 денари, оние коишто работат на подготовка на оброци и служење на храна - 17. 991 денари, како и услуги поврзани со одржување на згради и дејности на уредување и одржување на животната средина и природата – 17. 792 денари.
