Најновото серолошко истражување во Хрватска покажува дека 25 проценти од граѓаните имале контакт со коронавирусот. Тоа е речиси десетпати повеќе отколку во претходното вакво истражување во минатата пролет.
Фотографија: Igor Lasic/DW
Реклама
Директорот на Хрватскиот завод за јавно здравство, Крунослав Цапак, изјави дека со серолошко истражување е утврдено дека 25 отсто од граѓаните или околу еден милион биле во контакт со коронавирусот. „Во Хрватска досега имаме 240.000 заболени, а четирипати повеќе лица биле во контакт со вирусот отколку што имаме регистрирани“, изјави Цапак на конференцијата за новинари во Загреб.
Претставувајќи ги резултатите од истражувањето, Цапак рече дека тоа е спроведено на 1.436 испитаници, а се покажало оти 25 насто од примероците биле позитивни на антитела на Ковид-19, што значи дека тие лица биле во контакт со коронавирусот.
Слично испитување е направено и пролетта минатата година, во првиот бран на епидемијата, а тогаш меѓу 1.088 испитани имало само 2,2 отсто позитивни.
Фотографија: Anđelko Šubić/DW
Во најновото истражување, примероците на крв се земени во декември, јануари и во почетокот на февруари, од што е видливо, како што рече, дека на резултатите не влијаело вакцинирањето, бидејќи нивниот број е мал. Истражувањето покажа оти присутноста на антитела е рамномерна меѓу старосните групи, но дека е помала кај постарите од 70 и помладите од 10 години, кај кои позитивни се 19,2 отсто, што е, како што рече Цапак, изненадување, бидејќи се очекувал помал број.
Цапак оцени дека примерокот е доволно репрезентативен и оти нема потреба за истражување кое би опфатило повеќе учесници. Истражувањето покажа оти над 75 насто од оние кои биле во контакт со вирусот стекнале имунитет.
Во изминатите 24 часа во Хрватска се забележани 823 новозаразени со коронавирусот, а починале 12 лица. Во моментов има 4.522 активни случаи.
Пандемија: Животот свртен на глава
Пред нешто повеќе од една година мистериозен нов коронавирус започна да се шири низ светот. Денес, бројот на заразени во пандемијата е над 100 милиони, а секојдневието на луѓето ширум планетата е драматично променето.
Фотографија: Flaming Lips/Warner Music/REUTERS
Колективно физичко дистанцирање
Сингапур има многу ниски стапки на инфекции со коронавирусот од октомври досега. Набљудувачите ја фалат оваа град-држава во југоисточна Азија за одржување на вирусот под контрола со внимателно следење на нејзините граѓани, делумно со апликацијата за задолжително следење. Падот на инфекциите значи дека локалното население може да посетува кино на отворено - под услов да се одржува физичка дистанца.
Фотографија: Edgar Su/REUTERS
Во Јужна Африка се шири страв
Јужна Африка е најтешко погодената африканска земја од пандемијата на коронавирусот. Овој пациент во болница во близина на Кејп Таун е еден од 1,4 милиони граѓани кои се заразени со Ковид-19. Новата варијанта на коронавирусот, позната како B.1.351 или 501Y.V2, само го зголеми стравот. Исто како и новата варијанта на британскиот вирус, се смета дека оваа јужноафриканска мутација е многу позаразна.
Фотографија: Rodger Bosch/AFP/Getty Images
„Социјално дистанцирање на сонце“
Со зголемените летни температури, многу Австралијци се во можност да уживаат во освежително пливање во океанот. Поставени се знаци за да ги потсетат посетителите на плажите да држат дистанца додека уживаат во сонцето, во обид да се спречи нов пораст на инфекции. Австралија забележа значително намалување на бројот нови случаи од септември наваму.
Фотографија: Bai Xuefei/Xinhua/imago images
Болка поради оние кои починаа
Келвија Андреа Гонкалвес (16) плаче на гробот на нејзината мајка во бразилскиот град Манаус - Андреа дос Реис Брасао почина на само 39-годишна возраст. Таа е една од безбројните жртви од Ковид-19 во градот кој остана без неопходниот кислород. Многу луѓе го обвинуваат екстремно десничарскиот претседател Жаир Болсонаро за мрачната состојба во земјата. Во Бразил од вирусот починаа над 221.000 лица.
Фотографија: Bruno Kelly/REUTERS
Што е сигурно е сигурно?
Во Хонг Конг, властите оградија цели населби без предупредување како одговор на ненадејниот пораст на инфекциите. Градот, посебен административен регион на Кина, наметна слични драконски мерки за спречување на епидемијата на вирусот како оние кои беа во сила во Кина. До неодамна, стапките на инфекции тука беа многу ниски.
Фотографија: Tyrone Siu/REUTERS
Танцување во сопствен меур
Американскиот рок-бенд The Flaming Lips смисли начин како да организира концерти со физичка дистанца: на неодамнешниот концерт во Оклахома Сити, бендот ја замоли публиката да влезе во пластични меури кои се надувуваат. На овој начин, тие можеа да се танцуваат додека безбедно се изолирани во сопствени меури. Публиката дури можеше да го држи на раце и фронтменот Вејн Којн кој се стркала од сцената.
Фотографија: Flaming Lips/Warner Music/REUTERS
Цркви претворени во центри за вакцинација
Многу цркви во моментов се затворени поради пандемијата, па местата за богослужба се претвораат во центри за итна вакцинација- како тука во катедралата Лихфилд, во близината на Бирмингем, Англија. За разлика од земјите во ЕУ кои во моментов се соочуваат со недостиг на вакцини против Ковид-19, Велика Британија редовно се снабдува со дози.
Фотографија: Carl Recine/REUTERS
Светло на крајот од тунелот
Ејми Езат подготвува торта во форма на вакцина која треба да се дистрибуира меѓу пациентите со Ковид-19 кои се лекуваат во болницата во Каиро. Египет се бори да ја активира својата кампања за имунизација низ целата земја. Сепак, на многумина можноста да се вакцинираат против коронавирусот им дава огромно чувство на надеж.
Фотографија: Hanaa Habib/REUTERS
8 фотографии1 | 8
Прашан за сѐ поголемиот број држави кои одлучија привремено да го запрат вакцинирањето со вакцината на АстраЗеника, Цапак одговори дека Хрватска продолжува со вакцинирањето и оти не ја примила спорната серија на вакцината од овој произвеводител.
Тој објасни оти одлуката на тие држави е донесена „поради претпазливост поради тромбоемболиски реакции“ и дека вакцинирањето ќе биде продолжено ако се утврди оти тие реакции не се поврзани со вакцината.
