Сточарите редовно ги изведуваат своите овци и кози на пасиштата, иако прашање е што можат животните да најдат во големиот снег? Но, тоа е секојдневие во Кара-Чири на западот на руската федерална република Тува, на самата граница со Монголија.

Танзурун Дарисју има фарма на овци на Кара-Чири. Во нејзиниот живот владее чудна пропорционалност. Како нејзе, така ќе им биде и на нејзините животни - и обратно.

Дарисју има преку стотина животни. Температурата на отворено знае да биде и триесет степени во минус, но за животните нема покрив над глава.

Животните се навикнале на немилосрдното опкружување, меѓу другото и благодарение на извонредно квалитетната волна. Тешко е да се каже дали и ним им е студено, но тоа не е најстудениот регион: понатаму на истокот на Сибир живата се спушта и до минус 70 степени и тамошните места важат за најстудени населени места во целиот свет.

Регионот околу фармата на Танзурун Дарисју тешко може да се опише како разновиден: насекаде околу неа е само снег. Во целиот ридски предел кој се простира на 6.600 квадратни километри живеат едвај 8.000 жители.

Танзурун Дарисју и нејзините соседи се собираат во нејзината јурта, традиционален шатор на монголските номади - „јурт“ на турски значи дом. Иако изградена со дрвени штици и прекриена со ткаенини и кожа, многумина ќе се изненадат колку е јуртата пространа и комфорна. Особено откако печките имаат и оџаци - тоа е нов „изум“ во овие предели.

Номадите имаат и моторни возила, но далеку најдобро превозно средство се санките влечени од двогрба азиска камила. Тоа е извонредно загрозен вид, но ретко кој друг вид е така добро прилагоден: не ѝ пречи ни кога е 30 степени во плус, ниту 30 степени во минус.

Иако во овие студени денови се чини дека мразот и снегот нема никогаш да исчезнат, веќе во април во Кара-Чири температурата би требало да биде над нулата, а среде лето просекот е 38 степени - во плус!

Крајно време е да се преземат мерки против екстремните временски услови, посебно во најсиромашните земји, како во Африка. Веќе по 20 или 30 години, вели извештајот на Светската банка, промената на климата ќе има речиси незамисливи последици. Сушите и поплавите ќе доведат до недостиг од храна.

Светското население до 2050 година ќе достигне до околу девет милијарди луѓе, гласат прогнозите. Тоа значи - потребно е двојно повеќе ориз, пченка и пченица отколку денес. Американските научници предупредуваат - производството животни продукти уште сега расте пребавно за да го задоволи гладот во светот.

Додека поплавите ги загрозуваат жетвите, друга опасност произлегува од растењето на морското ниво. Научниците предупредуваат дека нивото во моментов расте 60 проценти побрзо од очекуваното. Последица: се заканува потонување на помалите острови.

Со покачувањето на нивото на морињата во почвата продира солена вода. На неа е изложена и вегетацијата, како на овој остров во Микронезија. Тоа е штетно за растенијата и истовремено носи големи проблеми за земјоделството и крајбрежните региони.

Амазонските прашуми, како овде во Бразил, ја штитат климата со тоа што користат ЦО2. Но, бидејќи во регионот станува пожешко и посуво, тој е загрозен од затоплувањето на Земјата. Во најлош случај прашумата од корисник, може да стане извор на ЦО2.

Гренланд е до 85 проценти покриен со мраз. Со глобалното затоплување, меѓутоа, тој брзо се топи, со што се покачува нивото на морињата. Кога се топи белиот мраз од Арктикот, водата која потемнува од топењето прима повеќе топлина, која инаку мразот ја рефлектира во вселената.

Мразот на Антакрктикот се смета за постабилен отколку оној на Гренланд. Но, најновите мерења покажуваат дека мразот се топи и на Арктикот во последните 20 години, откако се вршат мерења во овој регион.

На Арктикот засилено се топи трајниот мраз. Тоа предизвикува ослободување на штетни гасови, како ЦО2 и метан. Научниците стравуваат дека долгорочно тоа ќе води кон повратна реакција. Топењето ќе предизвика натамошно затоплување. Научниците ги контролираат емисиите на гасови, како овде на Гренланд.

Океанот прима се‘ повеќе ЦО2. Тоа води кон се‘ поголема киселост на морињата, со што се намалува ПХ-вредноста. Ова влијае врз морските организми како школките и морските полжави: нивните черупки стануваат полесни и потенки. Научниците ги истражуваат последиците врз животот во морето.

Од зголемената киселост на морињата се погодени и коралите, како Грит Бариер Риф во Австралија. Тие изумираат поради зголемената киселост на водата. За многу луѓе овие области со коралски колонии богати со риби се важни поради исхраната, а освен тоа коралскиот туризам за помалите земји е важен извор на приходи.