Македонија го застапува ставот на меѓународната заедница дека решението за Косово не може да биде враќање на состојбата пред 1999 година , негова поделба или припојување кон друга држава – порача денеска министерот за одбрана на Македонија Лазар Еленовски . Во обраќањето пред балканскиот медиумски форум „Јавното мислење како фактор за членството во НАТО“ што се одржа во Охрид , Еленовски уште истакна дека Косово е последниот поголем политичко безбедносен проблем во регионот и оти Македонија ги подржува напорите на меѓународната заедница за изнаоѓање на решение.