Повеќе од 20 познати личности од германската политика, спортот, бизнисот и забавата им напишаа емотивно писмо на Британците. Писмото е објавено во весникот Тајмс, и предизвика многу позитивни реакции на островот.
Фотографија: Reuters/C. Kilcoyne
Реклама
Водечките германски политичари, славни личности, спортисти и бизнисмени во емотивна порака им порачаа на своите „британски пријатели“ дека вратата на ЕУ секогаш ќе им остане отворена.
„Британија е дел од нас како Европејци“, се наведува во писмото. „И затоа ќе ни недостасува Британија. Ќе ни недостасува легендарниот британски црн хумор и одењето во паб по завршувањето на работното време на пиво. Ќе ни недостасува чајот со млеко и возењето на левата страна на патот“.
Кусото писмо е потпишано од лидерите на двете најголемите политички партии во Германија, Христијанско-демократската унија и Социјалдемократите, Партијата на Зелените, како и првите луѓе на четирите најголеми индустриски асоцијации, шефовите на Дајмлер и Ербас, рок-ѕвездата Кампино, пијанистот Игор Левит, и поранешниот репрезентативен голман Јенс Леман.
Брегзит или не: Зошто ѝ покрај тоа ги сакаме Британците
Британскиот парламент го отвори договорот за Брегзит на премиерката Меј. Сега сѐ поизвесен е „болен развод“ со ЕУ. Според многу Европејци, тоа е целосно непотребно. Изјава на љубов до Британците во десет слики.
Фотографија: Getty Images/Stuart C. Wilson/Universal Pictures Home Entertainment
Го сакаме кралското семејство!
Никој не седел толку долго на престолот, како кралицата Елизабета Втора. Од 1952 година таа е кралица на Британците и се залага за дисциплина, стабилност и традиција. Вообичаено два чекора зад неа, големата љубов на нејзиниот живот: сопругот, принцот Филип. Оваа година таа го слави својот 93-ти роденден, а тој има 98 години.
Фотографија: Getty Images/AFP/B. Stansall
Сакаме поп музика од Велика Британија
Тие се едноставно легендарни - Ролинг Стоунс: Мик Џегер, Чарли Вотс, Кит Ричардс и Рон Вуд. На 24 март 2016 година, култниот бенд имаше концерт во Хавана, Куба, испишувајќи музичка историја.
Тауер бриџ во Лондон: од 1894 година, мостот во центарот на британскиот главен град е едно од најпрочуените знаменитости на метрополата. Лондон е една од најпопуларните туристички дестинации во Европа, со повеќе од 30 милиони туристи годишно.
Фотографија: picture-alliance/dpa/J. Büttner
Ги сакаме хероите од нивните книги
Авантурите на ученикот за волшебник Хари Потер од Џоан К. Роулинг воодушевуваат деца ширум светот. На сликата е прикажан Хари Потер, кој го игра Даниел Редклиф, во својата втора година на обука во Хогвортс, на училиштето за магии и волшебништво.
Фотографија: picture-alliance/dpa/dpa-Film Warner
Ги сакаме убавите британски модели
Наоми Кемпбел е клучен дел од меѓународниот моден бизнис околу три децении. Родена во Лондон, таа беше првиот црномурест модел кој се појави на насловната страна на францускиот Вог и ѝ припаѓаше на генерацијата на супермодели во 1990-тите.
Фотографија: DW
Го сакаме британскиот хумор
Ретко кој ги растегнува мускулите за смеење толку многу како Роуан Аткинсон, алијас Мистер Бин. Истоимената серија-комедија беше оригинално прикажувана од 1989 до 1995 година и ужива култен статус.
Фотографија: Getty Images/Stuart C. Wilson/Universal Pictures Home Entertainment
Ги сакаме нивните извонредни градини и паркови
Градините Кју во југозападниот дел на британскиот главен град Лондон се меѓу најстарите ботанички градини во светот. Британците се познати по „зелениот палец" и се сметаат за специјалисти за косење трева. Никој во Европа нема толку убави градини и паркови како Британците.
Фотографија: Reuters/T. Melville
Го сакаме нивниот стил
Не станува збор за брзина, туку за елеганција и класа. Пример за тоа се култните автомобили од Велика Британија, како што е Ролс-Ројс. Иако брендот оттогаш е купен од страна на Германците, тој останува британски класик.
Фотографија: imago/Felix Jason
Го сакаме нивниот чуден вкус
Кога станува збор за кулинарството, со сигурност има други европски земји кои се во предност. Но, ако Британците останат со нас во ЕУ, нема да се жалиме на пивото без пена и јагнето со сос од нане. Ветуваме!
Фотографија: Styko
Ја сакаме нивната традиција
Дури од нив научивме колку убаво може да биде панорамското разгледување. Црвените двокатни автобуси во Лондон се повеќе од само превозно средство. Тие сѐ уште се клучен белег на британската метропола на Темза.
Фотографија: picture-alliance/blickwinkel/McPhoto
10 фотографии1 | 10
Писмото започнува со благодарност до Обединетото Кралство за историската улога на европскиот континент. „По ужасите на Втората светска војна, Британија не се откажа од нас. Таа ја прифати Германија назад како суверена нација и европска сила. Ова ние, како Германци, не сме го заборавиле и благодарни сме“.
Авторите на писмото инсистираат дека иако „сфаќаат оти слободата која денес ја уживаме како Европејци на многу начини беше изградена и одбранета од британскиот народ“, тие сепак „го почитуваат изборот на британскиот народ да ја напушти ЕУ. “
„Оттука Британците треба да знаат: Од сесрце, сакаме да останете“.
Одговорот од проевропските британски политичари беше еднакво ласкав. Поранешниот лабуристички министер Ендрју Адонис го опиша писмото како „најважното писмо напишано до еден релевантен весник во неговиот живот“.
И други познати германски јавни личности најдоа начин да го поткрепат британското его во очекување на нивното напуштање на ЕУ. Волфганг Ишингер, искусен дипломат и претседавач со Минхенската безбедносна конференција, во средата изјави дека историската важност на Британија значи дека ЕУ мора да и даде „специјална улога“ по Брегзит.
„Дури и да не сте пријател на Британија, мора да признаете дека европската безбедносна и одбранбена политика до одредено ниво беше одржувана од Британија“.
„Британското познавање на надворешнополитичките прашања од сите видови, да бидеме искрени, вообичаено е поголемо од она на Германците, или на Естонците, или на Португалците, едноставно затоа што имаат многу искуство, затоа што се поранешна светска велесила, затоа што имаат многу компетентна дипломатска заедница“, рече Ишингер.