Турција бара од ЕУ ветување дека ќе биде примена во сојузот во 2015 година . Би требало да поставиме цел, тоа би можело да биде 2013-та , 2014-та или 2015-та година – изјави турскиот премиер Реџеп Таип Ердоган за германскиот весник Зидојче Цајтунг .

Барањето на Ердоган наиде на отфрлање во Европската Комисија и Европарламентот :

„ Јас сум на мислење дека сигналите за земјите кандидати беа јасни и исти. Кој сака прием во Европската Унија , мора да исполни сите политички и економски услови. Нема да има попуст ниту еден кандидат а тоа важи и за Турција“ – порача Михаел Галер , потпретседател на Комисијата за надворешна политика во Европскиот Парламент.