Шефовите на дипломатии од Регионалното партнерство денеска во Братислава ги разгледуваат можностите за што поскорешно интегрирање на Западниот Балкан во ЕУ. Министрите за надворешни работи на Австрија, Полска, Чешка, Унгарија, Словачка и Словенија се очекува да разговараат и за европската перспектива на Србија по решавањето на статусот на Косово. Тема на средбата се и визните олеснувања за граѓаните од Западниот Балкан, откако наредната година сите спомнати земји од регионаланата соработка ќе влезат во Шенгенскиот простор.