Во 2017 година биле злоупотребени пет пати повеќе европски пари отколку во годината пред тоа, вели генералниот директор на Европската служба за борба против измами (ОЛАФ), Николас Илет. Тој за германската агенција ДПА објаснува дека огромното зголемување на износот на злоупотребени финансиски средства се должи главно на специјален случај на царинска измама.
Во случајот кој ја погаѓа главно Велика Британија станува збор за злоупотребени 2,3 милијарди евра. ОЛАФ во својот годишен извештај констатира дека увозниците на кинеска облека и чевли при увозот во ЕУ наведувале систематски пониски вредности на стоката и со тоа ја намалувале царината. За да докажат дека е така, иследниците ги анализирале сите царински декларации за производите од Кина за периодот 2013-2016 година. Само преку Велика Британија настанала загуба на средства во износ од 1,9 милијарди евра. Тамошните власти, како што вели ОЛАФ, не презеле контрамерки. Измамниците тоа го искористиле и целно ја префрлиле својата операција во Велика Британија, се вели во годишниот извештај.
Фотографија: European Union, 2012
Меѓу поголемите случаи на измами со европски пари е и случајот од германската покраина Саксонија Анхалт, кој со години беше на насловните страници и беше затворен во текот на 2017-та. Се работи за пари за фонд на Инвестициското друштво ИГБ кои, според ОЛАФ, биле употребено спротивно на прописите. „Комисијата сметаше дека тоа е нерегуларно доволно за да си ги побара назад сите пари“, изјави Илет. Покраинската влада меѓутоа на работите гледа поинаку и најави дека можеби ќе поднесе тужба.
ОЛАФ е служба надлежна да открива злоупотреби на средства на ЕУ и доколку е неопходно - да вклучи обвинителство. Ако се изземе големиот случај на царинска измама, ОЛАФ минатата година работела отприлика во рамките на она што е сработено во годините пред тоа - 1111 сомнителни случаи, 215 нови и 197 завршени постапки.
Како залудно да ги потрошите парите на даночните обврзници
Светкави прасиња, позлатени куќи и панорамска платформа која не гледа никаде, се само дел од проектите кои се критикувани од германската федерација на даночни обврзници. Групата деновиве ја претстави новата „црна книга“
Фотографија: picture-alliance/dpa/J. Woitas
Летот на светкавата свиња
Германските даночни обврзници платиле 100 илјади евра за скулптура на лебдечка свиња "Glitzerschwein" во градот Хале во јужна Германија. Скулптурата тешка 500 килограми е подигната од градските власти како симбол на историјата на Хале — стадо свињи наводно ги откриле првите резерви на сол во градот. Кристалите ги симболизираат зрната сол.
Фотографија: picture-alliance/dpa/J. Woitas
Многу пари- мал поглед
Градчето Бракел во близина на Падерборн првично одлучи да изгради платформа за рибарење на локалното поточе. Потоа, градските власти одлучија да изградат и платформа за посетители вредна 6.200 евра, која треба да ги донесе чекор поблиску до природата.
Фотографија: Bund der Steuerzahler NRW/Bärbel Hildebrandt
Соларни катни за отпадоци
Градот Потсдам воведе нови, швајцарски соларни канти за отпадоци за вртоглава цена од 10.500 евра за парче. Кантата има вградена преса која го зголемува нејзиниот капацитет, и електронски индикатор за тоа колку е полна. Но, цената сепак боде очи доколку се има предвид дека „регуларната“ канта чини 300 евра за парче.
Фотографија: picture-alliance/dpa/R. Hirschberger
Очи болат
Уметничка инсталација или фрлање пари? Локален уметник буквално позлати една стара куќа во сиромашен кварт на Хамбург, прекривајќи површина од 300 метри квадратни со златни ливчиња. Локалните власти донираа повеќе од 85 илјади евра за проектот.
Фотографија: picture alliance/dpa/B. Marks
Гаража за духови
Јавната гаража во центарот на Винсен, во близина на Хамбург е отворена со месеци. Сепак, 534 паркинг места во гаражата се речиси секогаш и целосно неискористени. Градот плати речиси 11 милиони евра за гаражата, а како ќе го покрие трошокот останува да видиме во следните години.
Фотографија: Bund der Steuerzahler
Исушената липа
Оваа 400 години стара липа во Оберурсел во близина на Франкфурт полека умира. Локалните власти одлучија да се простат од неа искористувајќи ја како дел од уметнички проект наречен „Минување на времето“. Околу славното дрво се поставува метална рамка без стакло. Цената е 77 илјади евра, плус загубената шанса да се искористи дрвото за греење.
Фотографија: Bund der Steuerzahler
Повеќе пратеници, повеќе проблеми
Благодарение на германскиот изборен систем и резултатите од минатомесечните парламентарни избори, новиот парламент ќе има повеќе од 700 пратеници, или над 100 повеќе од вообичаено. Зголемувањето на бројот на пратениците ќе ги чини граѓаните 75 милиони евра од буџетот само за 2018 година, велат од Федерацијата на даночните обврзници.
