Шефовите на дипломатиите на земјите членки на Европската унија денеска во Лускембург го повикаа Советот за безбедност со донесување резолуција, бргу да најде решение за статусот на Косово врз основа на планот на Марти Ахтисари. Според нив, тоа е битно како основа за демократско и мултиетничко Косово , како и за зачувување и јакнење на регионалната безбедност. Европската унија е подготвена да одигра важна улога во примената на решението за статусот.