Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.

На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.

По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.  

Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.

Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.

Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.

Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.

Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.

Нејзините речиси 160 метри високи кули величествено се издигаат кон небото. Катедралата е знак на распознавање на Келн. Таа е една од најголемите катедрали изградени во готски стил и е навистина восхитувачка. Катедралата е на листата на Унеско за Светско културно наследство, а секоја година ја посетуваат по околу 6 милиони луѓе.

Симболот на Хајделберг е можеби најпознатата руина во Германија. Овој замок е првпат спомнат во 13. век. Во времето на Лудвиг Четиринаесетти тука била резиденцијата на големите кнезови на Пфалц.

Баварскиот крал Лудвиг Втори изградил замок како од бајките во близина на Фисен, затоа што сакал да се повлече од јавноста. Само неколку недели по неговата смрт, во 1886 година, замокот бил отворен за посетители. Во меѓувреме овој замок е еден од најпосетените во Европа.

Берлин е германски магнет за туристи. Во 2018 година градот забележа околу 33 милиони ноќевања. Бранденбуршката порта важи за симбол на германското обединување и е едно од најомилените места во градот.

На остров среде реката Шпреја се наоѓа една друга берлинска атракција. Пет важни музеи овде презентираат изложби за предисторијата, преку антиката, до уметноста на 19. век. Хајлајт е светски познатата биста на староегипетската кралица Нефертити.

Во Потсдам се наоѓа летната резиденција на Фридрих Втори. Името Сансуси, или на германски „без грижи“, ја отсликува желбата на кралот за место каде може да се повлече од јавноста. Дворецот и паркот честопати се нарекуваат пруски Версај. Сансуси од 1990 година е дел од Светското културно наследство.

На многумина Богородичната црква во Дрезден им е во сеќавање како руина од Втората светска војна. По обновата во 2005 година, црквата стана омилена цел за германските и странските туристи.

Во Тирингија, над градот Ајзенах, се издига Вартбург. Тука Лутер, на почетокот на 16. век, го превел Новиот тестамент. Во овој замок во 1817 година е одржан Вартбуршкиот фестивал, првото граѓанско-демократско собрание во Германија.

„Црната порта“ во Трир е една од најдобро зачуваните порти од античко време. Поранешната римска градска порта речиси илјада години се користела како црква, сѐ додека Наполеон во 1802 година не наредил враќање на градбата во првобитната форма.

Катедралата се смета за една од најдобро сочуваните градби од времето на Каролинзите и беше прв германски споменик кој во 1978 година стана дел од Светското културно наследство. Во оваа катедрала е закопан царот Карло Велики. Во капелата до 1531 година се крунисувани речиси сите германски кралеви.

Холстентор, кој некогаш бил западната граница на Либек, денес е симбол на градот. Оваа порта е дел од старото градско јадро, кое лежи на остров опкружен со вода и остатоци од некогашните градски ѕидини. Многу од куќите изградени во готски стил се заштитени со закон.

Мариенплац се наоѓа во срцето на Минхен, односно на почетокот на пешачката зона. Посетителите можат повеќепати во денот да се восхитуваат на играта на малите фигури на Новото градско собрание, кои вртејќи се на звуците од камбаните потсетуваат на историјата на градот.

Епидемијата на коронавирусот создава последици за меѓународните културни настани. Уметничкиот саем „Арт Базел Хонг Конг“ е откажан. Кина го намали своето учество на 70-тиот меѓународен филмски фестивал во Берлин. Исто така, беше откажан и новогодишниот концерт на кинеската национална опера во Берлин, музичарите и изведувачите не смееја да заминат од земјата поради кризата со коронавирусот.

Вообичаено, голем број туристи се шетаат низ Забранетиот град. Сега, овој турист ја има само за себе Империјалната палата во Пекинг. Таа е изградена од 1420 до 1644 година, се смета за архитектонско ремек-дело, а од 1987 година е дел од светско наследство на УНЕСКО. Првично бил седиште на династијата Минг, а подоцна и на династијата Кинг, и таму живееле императорот и неговите дворјани.

Дизниленд во Шангај засега ги затвори вратите кон Волшебното кралство. Избувнувањето на коронавирусот се засили на почетокот на кинеската Нова година. Последователните карантини и патни ограничувања предизвикаа да пропадне годишниот прилив од патувањата за одмор во и до Кина. Минатата година индустријата пријави промет од 71,5 милијарди евра само за време на еднонеделните празници.

Во борбата против коронавирусот, кинеските власти не се двоумеа да ги затвораат и историските знаменитости. Делови од Големиот ѕид во Кина, моќниот симбол на земјата, се затворени. Делот од ѕидот во Бадалинг, северен Пекинг (на фотографијата горе), кој е многу популарен кај туристите, е затворен. Затворени се и гробниците на династијата Минг и на пагодата Јиншан.

Пролетта 2019 во Шенјанг: Танчерска група го изведува танцот на змејот по повод фестивалот Лонгтаиту, кога Кина го прославува вториот ден од вториот месец во кинескиот лунарен календар. Познат е како „денот кога змејот ја крева главата“, а земјата и природата ја повраќаат силата. Годинава, тој паѓа на 24 февруари, но епидемијата од коронавирусот би можела да ги спречи славеничките манифестации.