Германското претседателство со ЕУ ја поздрави најавата на претседателот на ЕК Жозе Мануел Барозо дека преговорите за стабилизација и асоцијација меѓу ЕУ и Србија ќе продолжат на 13 јуни. Официјален Берлин очекува од Белград доследно да продолжи во соработката со хашкиот трибунал. Одлуката за продолжување на преговорите Барозо ја соопшти по позитивните пораки на главниот хашки обвинител Карла Дел Понте за соработката на српските власти.