Претседателката на ЕК, Урсула фон дер Лајен најави инвестициски пакет со волумен од 37 милијарди евра за амортизирање на последиците од епидемијата на коронавирус за државите-членки.
Фотографија: Reuters/J. Geron
Реклама
„Убедена сум дека Европската унија може да го издржи овој шок“, изјави претседателката на Европската комисија Урсула фон дер Лајен денеска во Брисел. „Но, секоја членка мора целосно да понесе своја одговорност, а ЕУ како целина мора да дејствува одлучно, координирано и единствено.“
Фон дер Лајен истовремено најави дека државите ќе добијат маневарски простор во однос на придржувањето кон дозволените дефицити на заедницата, исто како и дополнителна помош. ЕУ ќе преземе гаранции во висона од осум милијарди евра за кредити на 100.000 фирми. Заменикот претсеател на Европската комисија, Валдис Домбровскис ги потврди изјавите на Урсула фон дер Лајен, дополнувајќи: ЕУ е подготвена важечките правила за буџетите за државите кои се посебно погодени од кризата со коронавирусот, да ги прилагоди на нив. Во случај на силен конјуктурен крах, можна е примена на вонредни правила.
Европската комисија прогнозира пад на економскиот раст во ЕУ за оваа година поради кризата со коронавирусот. Развојот за годинава беше проектиран на 1,4 проценти, но можно е тој да падне под нула, изјави денеска во Брисел висок функционер на ЕК.
Кои фирми профитираат од коронавирусот
Стравот од коронавирусот тешко ги погодува финансиски пазари. Кога компаниите мора да ги коригираат своите прогнози за добивка и промет надолу, тоа е отров за курсот на акциите. Но, сепак има и такви кои профитираат.
Кога во последната недела од февруари курсот на акциите ширум светот драматично падна, акциите на платформата за видео стриминг успешно се спротиставија на трендот. Аналитичарите сметаат дека т.н. „останете дома“ акции , како оние на „Нетфликс“ можат да им обезбедат богатство на инвеститорите за време на појавата на коронавирусот, бидејќи на сѐ повеќе луѓе им се вели да останат дома.
Фотографија: picture-alliance/AA/M.E. Yildirim
„Откачете“ го фитнес-клубот
Акциите на фитнес старт-апот Пелотон Интерактив, кој произведува велосипеди за вежбање и, исто така, нуди фитнес часови преку интернет, скокнаа бидејќи стравот од коронавирусот може да поттикне многу фитнес ентузијасти да не одат во своите теретани и клубови и да се одлучат за понудите на Пелотон.
Шефот на фармацевската компанија „Модерна“, Стефан Банкелза кусо време стана милијардер откако компанијата испорача експериментална вакцина против коронавирусот за клиничко тестирање кај луѓето, со што се зголеми цената на нејзините акциите. И Лим Ви Чаи од Малезија, мнозински акционер во фирмата за медицински ракавици „Топ Глав“, влезе во клубот на милијардери среде избувнувањето на вирусот.
Останете дома, останете поврзани
Акциите на телеконференцискиот старт-ап „Зум Видео“ пораснаа речиси за 50% од февруари, откако инвеститорите проценија дека сѐ повеќе луѓе поради стравот од коронавирусот ќе работат од дома. Компанијата веќе придодаде повеќе активни корисници годинава - 2,22 милиони - отколку во целата 2019 година.
Фотографија: zoom.us
Празни полици во супермаркетите
Во супермаркетите, како германскиот „Реве“ и францускиот „Карфур“, прехранбените производи „летаат“ од полиците додека купувачите во паника ги зголемуваат домашните залихи. Затоа инвеститорите засилено вложуваат во акциите на компаниите за пакувана храна. И онлајн трговците, како Амазон, исто така, имаат поголема побарувачка, бидејќи купувачите поради страв од вирусот ги избегнуваат продавниците.
Произведувачите на маски за лице, дезинфекциски средства за раце и дезинфекциски марамчиња се сведоци на огромен раст на побарувачката, бидејќи купувачите бараат начини да се заштитат од вирусот кој брзо се шири. Фирмата „3M“, која меѓу останатото произведува и маски за лице, е една оние со најголема добивка.
Фотографија: picture-alliance/NurPhoto/Yichuan Cao
„Во секое време, насекаде“
Германската софтверска компанија „ТимВјуер“ која им овозможува на корисниците да работат од далечина (од дома), е сведок на голема побарувачка на нејзините услуги, особено во Кина, епицентарот на коронавирусот. На Франкфуртската берза цената на акциите на оваа компанија забележа огромен раст во изминатите неколку дена.
