Живи по седумнаесет дена под земја
23 август 2010Реклама
Несреќата во рудникот Сан Хосе во пустината Атакама, 830 километри северно од главниот град Сантијаго, се случи на 5 август годинава. Спасувачките екипи спуштија сонда на длабочина од 688 метри и добија потврден одговор од рударите дека се живи.
Семејствата на рударите и спасувачите се надеваа дека рударите можеле да стигнат до засолништето кога се урнал еден ходник.
За да се допре до затрупаните рудари со копање, би биле потребни четири месеци, но со опремата која стигна денеска од странство, ќе биде ископан тунел широк 68 сантиметри низ кој ќе биде направен обид да бидат извлечени луѓето на површина или барем да им се достави вода, храна и воздух.
Автор: ЖА/ АТ/ дпа/ бета
Редактор: Александра Трајковска