Германската министерка за животна средина Свења Шулце сака да ги забрани пластичните кеси. Тоа е добро. Но, глобалната политика за животна средина и климата е многу поважна, вели Јенс Турау.
Фотографија: picture-alliance/dpa/S. Gollnow
Реклама
Има ли навистина некој кој се спротивставува на забраната за пластични кеси? Веројатно само малкумина. Во овој поглед, германската министерка за животна средина има лесна игра кога сега се залага за забрана. Во последниве години, направени се обиди да се реши проблемот со доброволните ограничувања од страна на синџирите на супермаркети. Во секој случај со успех. Но, бидејќи сега е опасно во мода да се освојуваат бодови со енергични чекори во политиката за животна средина и за климата, Свења Шулце не сака да стои на страна.
Што ќе рече - ништо против забраната! Но, треба да се знае дека само мал дел од германскиот пластичен отпад отпаѓа на кесите. И многу мерки против планините од пластичен отпад веќе се усвоени од страна на Европската унија а Германија ги спроведува само оти тоа и е обврска. Како и да е: Германија кога станува збор за забраната на пластични кеси далеку заостанува. На пример, многу земји во Африка, вклучително и во Азија, го спроведоа ова одамна.
Пред решавачките чекори
Но: Има доста придвижење во политиката за животната средина и климата во Германија: Во септември (да се надеваме) конечно треба да биде утврдено какви навистина драстични чекори ќе преземе Германија во борбата против издувните гасови кои го предизвикуваат ефектот на „стаклена градина“. Некаков вид цена за СО2 во секој случај ќе има. Грубо кажано, линијата минува меѓу старите механизми на конзервативците („субвенции за поеколошки процеси“) и една поконкретна политика што понекогаш размислува за забрани, како сега со пластичните кеси.
Јенс Турау, автор на коментарот
Дилемата на политиката за животна средина и клима ширум светот е дека многу, во суштина сите значајни проблеми како издувните гасови или пластиката - можат да се решат само на меѓународно ниво. Политичарите западнаа под притисок на бунтовната младина, која со право вели дека денешната генерација на родители ги негирала проблемите премногу долго.
Сега се тоа се одразува на сите полиња: Морињата се задушуваат во пластика, експертите проценуваат дека во 2050 година во океаните ќе пливаат помалку риби отколку пластичен отпад. Климатските промени стануваат сѐ понемилосрдни и веќе одамна може да се почувствуваат и во богатиот Запад, а не само во Африка.
Но, тајмингот да се дојде до меѓународни решенија за сите овие проблеми, е многу лош. Сè повеќе земји ги водат националистички, десничарско-популистички влади, кои имаат меѓу другото имаат едно заедничко нешто: еколошките проблеми за овие политичари се луксузни теми на старите, омразени елити. И не мора да се сфаќаат сериозно. Погледнете ги Италија, Бразил, или САД.
Кои кеси се еколошки?
Платнена торбичка од памук или кеса од хартија - за пазарање не мора секогаш да се користат пластичните кеси за една употреба. Какви алтернативи има, ќе ви покажеме преку следните фотографии.
Фотографија: DUH
Не секогаш само пластика
Неколку банани овде, неколку јаболка таму - кога се купува често се посега по кесите од пластика. Во просек секој Германец троши 71 кеси од пластика годишно. Меѓутоа за кесата изработена од 100 проценти пластика има алтернативи, кои се поеколошки.
Фотографија: Fotolia/pizzicati
Тргни ги прстите!
Вообичаените кеси од пластика се состојат речиси сто проценти од полиетилен, кој се произведува од фосилна сурова нафта. Кесата е сѐ друго, но не и еколошка. Потребни се 400 до 500 години додека една кеса биде целосно уништена, смета Комисијата на ЕУ и затоа бара забрана за нив.
Фотографија: picture alliance/ZB
Био не е секогаш добро
Пластична кеса која биолошки се разградува, на пример, се состои 70 проценти од сурова нафта и 30 проценти од обновливи сурови материи. Звучи добро, но ваквите пластични кеси може само делумно да се рециклираат. Освен тоа, одгледувањето на енергетските растенија за нивно производство е скапо.
Фотографија: picture-alliance/ZB
Висок удел на рециклирачки материјали не е доволен
Постојат и пластични кеси кои се состојат 70 проценти од полиетилен кој може да се рециклира. Нивниот еколошки биланс во споредба со повеќето други типови на кеси за една употреба е подобар. Меѓутоа повеќето пластични кеси во Германија завршуваат во кантите за секаков отпад и воопшто не можат да бидат рециклирани.
Фотографија: picture-alliance/dpa
Хартиените кеси не се безусловно подобри
Кесите од хартија, од еколошки аспект, не се безусловно подобри од кесите од пластика. Имено, за да бидат произведени се потребни посебно долги и цврсти влакна од целулоза, кои мора да бидат обработени со хемикалии. Еколошкиот биланс се подобрува ако кесата е произведена од хартија која може да се рециклира.
Фотографија: PA/dpa
Недостатоци онаму каде што не се претпоставуваат
Торбичките од памук, лико или лен се постабилни, можат почесто да се употребуваат и на тој начин ја штитат животната средина. Но за нивното производство, за разлика од кесите од пластика, се потребни повеќе материјал и енергија. Освен тоа, тие се базираат на растенија за чие одгледување се потребни многу вода и ресурси.
Фотографија: Fotolia/Robert Kneschke
Подобри околку што се мисли
Не полоши од торбичките се стабилните кеси за повеќе употреби од полипропилен, полиестер или политерефталат (ПЕТ). Една кеса од полипропилен веќе по три користења е поеколошка од полиетиленските кеси за една употреба.
Фотографија: DUH
И победникот е ...
Еколошки производ е кесата од полиестер, која собрана не е поголема од едно пакетче книжни марамчиња. Таа тежи 30 грама и дури е полесна од многуте кеси за една употреба. И покрај тоа може да издржи тежина до десет килограми.
Фотографија: DUH
8 фотографии1 | 8
Кој ќе се пробие?
Сето ќе зависи од тоа кои сили ќе се пробијат со својот став: Демократите, кои веруваат дека сега треба конечно да се решат итните проблеми, кои со години се предмет на многу поплаки. И на луѓето јасно да им се стави до знаење дека решенијата ќе влијаат на сите: на бизнисот, на политиката, на граѓани. Или другите, кои се потпираат на уништување на воспоставените поредоци и очигледно се забавуваат со помислата конечно да го запалат светот во оган или да го задушат во отпад. Но, се чини дека младите повеќе надежи полагаат во првата група. И - барем во моментов и во Германија - веќе постигнаа нешто.
Живот без пластични пакувања
За да се води живот без пластични пакувања е неопходна подготвеност за откажување од некои работи и постигнување компромиси. Обид за живот без пластични пакувања во Берлин - низ слики.
Фотографија: DW/Tamsin Walker
Малку поинаква козметика
Во Берлин има две продавници кои нудат неспакувани производи, меѓу нив и состојки за производство на козметички производи и продукти за нега. На интернет има доволно рецепти кои ветуваат миризлива и нежна кожа. Треба само да се почне.
Фотографија: DW/Tamsin Walker
Едно е теорија, друго е пракса
Теоретски козметиката која се меша на таков начин би можела дури и да се јаде. Тоа не значи и дека би била вкусна или хранлива. Но, тоа ја подвлекува природноста на многу тинктури, лосиони и кремови. Пластика нема никаде.
Фотографија: DW/Tamsin Walker
Не е за јадење, но е функционално
Течни сапуни и средства за чистење, се разбира, не треба да се јадат. Тие и не мирисаат секогаш убаво, но ѝ служат на целта. Всушност, служат на две цели, зашто покрај чистењето, овозможуваат живот без индустриски производи спакувани во пластика.
Фотографија: DW/Tamsin Walker
Едноставно и ефективно
Слично како за козметичките производи, онлајн има и рецепти за домашна паста за заби. За оние за кои тоа е прекомпликувано, постојат и таблети за чистење заби, кои мирисаат на ментол и кои се спакувани во хартиени кеси. Чистењето на забите се прави со четки од бамбус.
Фотографија: DW/Tamsin Walker
Сапун
За нега на телото не е неопходна колекција од пластични шишиња. Сапунот, кој луѓето го користат откако знаат за себе, сѐ уште функционира добро, барем исто толку добро како и гелот за туширање. Во продажба има и шампони и омекнувачи за коса во тврда состојба и без пакувања кои се штетни за животната средина.
Фотографија: DW/Tamsin Walker
Торби со смисла
Супермаркетите сѐ уште нудат пластични кеси за пакување на овошјето и зеленчукот. А дома, најголемиот дел од кесите завршува на отпад. Притоа, платнени торбички имаат многу повеќе смисла. Тоа го знаеле и нашите баби и прабаби и кога оделе на пазарување си земале платнени торби со себе.
Фотографија: DW/Tamsin Walker
На смрт осудените живеат подолго?
Да се задржиме малку на пластичните кеси. Во Германија тие не се официјално забранети. Сепак, некои продавници во меѓувреме ги исфрлија од употреба ваквите кеси или ги нудат само доколку за нив се плати. Не дека нема алтернативи!
Фотографија: DW/Tamsin Walker
Хигиена за хартијата за хигиена
Да се најдат алтернативи за тоалетната хартија е навистина тешко. Но, постојат - на пример од бамбус. Образложението за тоа зошто конвенционалната тоалетна хартија е спакувана во пластика, гласи: „Од хигиенски причини“. Навистина?