Германците сакаа да направат сè подобро од другите со воведување задолжителна вакцинација против коронавирус. Неуспехот сега ја поткопува довербата во политиката за справување со пандемијата, смета Јенс Турау.
Фотографија: Political-Moments/imago images
Реклама
Да сме на чисто - има само неколку земји ширум светот во кои е воведена задолжителна вакцинација против коронавирусот, како што се Еквадор, Индонезија, Таџикистан или Туркменистан. Во многу земји, вклучително и Германија, вакцинацијата е задолжителна за одредени професионални групи - на пример, за здравствените работници. Австрија имаше воведено општа обврска за задолжителна вакцинација, но во меѓувреме ја суспендираше бидејќи, како и секаде во светот, Омикрон варијанта на вирусот, којашто е најраспространета во моментов, влијае врз перцепцијата дека секој може да ја преброди пандемијата без да се воведе задолжителна вакцинација за сите. Оттука, релативно новата германска влада веројатно немаше да претрпи штета доколку се откажеше од своите планови за задолжителна вакцинација. Но, не се откажа и сега штетата е голема.
Чудно незаинтересиран канцелар
Во четвртокот Бундестагот одби неколку барања за задолжителна вакцинација. Уште претходно беше јасно дека владата составена од СПД, Зелените и ФДП нема да може да го собере сопственото мнозинство за одобрување задолжителна вакцинација, бидејќи многу политичари од редовите на Либералите се спротивставија. Сепак, чудно незаинтересираниот канцелар Олаф Шолц (СПД) го издржа јасниот пораз во Парламентот. Десничарските популисти од Алтернатива за Германија кои, како и секогаш се цврсто на страната на порекнувачите на корона и се против секоја задолжителна вакцинација, славеа.
Секој што се вакцинира сега го прави тоа за себе
76% од луѓето во Германија во моментов се двапати вакцинирани, 59% примиле трета доза. Има многу земји кои се подобри, но и многу со полоша статистика. Исто така, јасно е дека вакцинацијата не може целосно да спречи заразување, но може да спречи развој на тешка форма на болеста. Значи, секој што се решава да се вакцинира, тоа првенствено го прави за себе. Но, за оние 24% во земјата кои немаат примено ниту една доза вакцина, веќе нема ниту еден аргумент на светов со кој може да се убедат. Ова беше и аргумент против воведување задолжителна вакцинација.
Јенс Турау
Шолц едноставно се откажа
Зошто владата сепак ги остави работите да течат и се заби во ѕид, останува мистерија. Очигледно, таа веруваше дека ЦДУ и ЦСУ, чии премиери во сојузните покраини беа за задолжителна вакцинација, на крајот ќе им помогнат да се собере мнозинство. Но, опозицијата не го стори тоа. Канцеларот Шолц сега кусо изјави дека нема да има понатамошен обид за воведување задолжителна вакцинација, како што посочи неговиот министер за здравство Карл Лаутербах по поразот. Шолц јасно калкулира дека не му е потребен уште еден таков пораз.
Владата ја поткопа довербата
Во што точно се состои штетата која настана? Уште во зимата кога само неколку недели беа на власт, сите водечки функционери се залагаа за воведување обврска за вакцинација. Нивното потфрлање сега ја поткопува довербата на луѓето во општата анти-корона политика. Најновата анкета спроведена на сојузно ниво од институтот Инфратест-Димап, „Тренд во Германија”, покажува јасно дека мнозинство од приврзаниците на ЦДУ, ЦСУ, СПД и Зелените и натаму се за воведување таква обврска. Што да мислат сега сите овие луѓе ако Бундестагот со часови дебатира и на крај нема резултат?
Вакцини- адути на човештвото против Ковид-19
Глобалната кампања за вакцинација против Ковид-19 зема сѐ поголем замав. Во различни земји, создадени се или на повидок се вакцини, кои сега се главно оружје на човештвото во справувањето со пандемијата.
Фотографија: Francis Dean/Dean Pictures/imago images
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
Фотографија: Francis Dean/Dean Pictures/imago images
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
Фотографија: Matthew Healey/AFP/Getty Images
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
Фотографија: Channi Anand/AP/picture alliance
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
Фотографија: Aizar Raldes/AFP/Getty Images
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
Фотографија: Johnson/AP/picture alliance
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
Фотографија: Laily Rachev/Biro Pers Sekretariat Presiden
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
Фотографија: Justin Tallis/AFP/ Getty Images
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
Фотографија: picture-alliance/dpa/T. Schwarz
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Фотографија: C. Stoll/Sanofi
10 фотографии1 | 10
„Вакцинирај се”? Никој веќе не може тоа да го слуша
Сето тоа може да се одрази негативно наесен, кога ќе порасне бројот на инфекции, а особено тешките форми, токму кај постарите невакцинирани лица. Тогаш политиката би можела да биде принудена повторно да воведе ограничување на контакти или затворање на продавници.
Зошто луѓето тогаш без отпор би требало да ги следат мерките?
Досега големо мнозинство од германското население ги издржа сите ограничувања кои сега по долги месеци беа укинати: носењето маски, затворените продавници и ресторани. Ако наесен на властите не им успее луѓето да ги убедат дека се повторно нужни такви ограничувања, тогаш и владата ќе има свој удел со тоа што недоволно се ангажира околу обврската за вакцинирање.
Да се надеваме на најдобриот исход. Повеќе од тоа не ни преостанува. Да се вакцинираме останува апел кој се однесува на сите нас, но ретко кој уште има нерви да го слуша.
