Евроатланската интеграција на Западен Балкан ќе биде меѓу приоритетите на словенечкото претседателство со Унијата во првата половина на 2008 година, посочи шефот на словенечката дипломатија Димитри Рупел по средбата со американската министерка за надворешни работи Кондолиза Рајс во Вашингтон. Во врска со Косово за Рупел е важно ЕУ и САД да останат единствени како и кога да се примени планот на Марти Ахтисари.