Визнер вчеравечер во Приштина изјави дека статусот треба да биде резултат кој нема да понуди враќање на состојбата од пред 1999 година и резултат кој ќе ги зачува границите. Според Визнер, ставовите на Контакт групата, која во Лондон порача дека треба да се прават напори за решавање на статусот до крајот на оваа година, се донесени единствено и дека ставот на Русија не се разликува од останатите.

Од посебно занчење во процесот на утврдување на статусот на Косово, според Фолкер Каудер, шеф на парламентарната делегација на германските партии на унијата, која исто така вчера беше во посета на Приштина , е гаранцијата на заштита на малцинствата и на историските и верските објекти. “Констатирано е дека позицијата на косовската страна е добра, дека таа има добри ставови и дека може слободно да влезе во преговори за да се дојде до најдоброто можно решение“, изјави Каудер во Приштина. Косовскиот премиер, Бајрам Косуми, по разговорите со германската делегација, рече дека разговорите за статусот ќе завршат во текот на 2006-та година и дека Косово ќе стане независна држава.

“Косово нема време за губење по прашањето на статусот. Ние,како влада, сме подготвени да ги ставиме на располагање сите потребни документи за средбата во Виена, која треба да се одржи најбргу што е можно“, изјави Косуми.

Инаку, на Косово, заклучоците на Контакт групата беа поздравени од претставниците на институциите и политичките аналитичари. Политичкиот аналитичар, Енвер Хоџај, изјави дека оценките на Контакт групатасе реални, особено ставот дека идната одлука треба да биде израз и на желбата на народото на Косово и состојбата на Косово по 1999 година.