Соседните држави не се сигурни дали потресот во Северна Кореја е од природен карактер или предизвикан од експлозија. Комунистичката земја повеќепати изведува ракетни тестови, чија последица се земјотреси.
Фотографија: Getty Images/AFP/S. Yeh
Реклама
Во близина на севернокорејскиот атомски полигон се случил земјотрес со јачина од 3,4 степени според Рихтер, соопштија кинеските сеизмолошки служби, кои се сомневаат дека е тој последица на повторен атомски тест. Епицентарот на потресот, како што пренесе кинеската новинска агенција Ксинхуа, се наоѓал на истото место каде беа регистрирани и земјотресите на 3. септември, кои беа последица на шестиот и досега најголем атомски тест изведен од страна на Северна Кореја. Во таа прилика била истрелана хидрогенска бомба, чија сила е неколкукратно поголема од обичните атомски бомби.
И јужнокорејскиот Метеоролошки институт потврди дека денеска се случил потрес во Јужна Кореја, но смета дека тој настанал по природен пат, пренесува новинската агенција Јонхап.
Северна Кореја вчера повторно се закани со тестирање на хидрогенска бомба, во одговор на вербалните напади на нејзина адреса од страна на американскиот претседател Доналд Трамп во неговиот говор пред Генералното собрание на ОН, а не обѕирајќи се и на забраните изречени од ОН.
Сергеј Лавров ги повика Доналд Трамп и Ким Јонг Ун да ги „изладат главите“Фотографија: picture-alliance/dpa/M. Altaffer
Последните меѓусебни лични напади и навреди меѓу Трамп и кинескиот властодржец Ким Јонг Ун беа повод и за реакција на рускиот министер за надворешни работи Сергеј Лавров, кој повика на воздржаност. „Мораме да ги смириме вжештените глави“, рече Лавров во ОН во Њујорк, оценувајќи го однесувањето на двајцата државници како неприфатливо и споредувајќи го со „кавга во детска градинка“.
Северна Кореја повторно го привлекува вниманието на светската јавност. Тестирањето на интерконтиненталните ракети наидува на остри критики. Земјата има една од најголемите армии во светот. Но, продолжува да се вооружува
Фотографија: Reuters/KCNA
Меѓу најбројните армии во светот
Севернокорејската армија има 700 илјади војници и околу 4,5 милиони резервисти. Речиси секој петти жител на земјата е во војска. Сите мажи во комунистичкиот режим мораат да учествуваат во воената обука. Поради тоа, Северна Кореја има двојно повеќе војници од соседната Јужна Кореја.
Фотографија: Getty Images/AFP/E. Jones
Различни воени орудија
Според податоците наведени во Глобалниот индекс за вооружување, Северна Кореја во 2017 година располага со 76 подморници, 5.025 тенкови и 458 борбени авиони. На оваа фотографија од 2013 година, лидерот Ким Јонг Ун е сликан во командната централа на армијата.
Фотографија: picture-alliance/dpa
Воена парада
Севернокорејскиот режим секоја година ја демонстрира својата сила на воена парада во главниот град Пјонгјанг. Парадите воглавно се одржуваат за време на некој важен јубилеј на комунистичката земја или семејството Ким.
Фотографија: picture-alliance/dpa/KCNA
Интерконтинентални ракети
САД во четвртокот потврдија дека Северна Кореја успешно тестирала балистичка интерконтинентална ракета. Ракетата од типот „Хвасонг- 14“ е во состојба да ја погоди секоја цел во светот, јави државната новинска агенција КЦНА.
Фотографија: Getty Images/AFP/KCNA
Атомските проби продолжуваат
И покрај острите санкции, Северна Кореја продолжува со својата атомска програма. Само во 2016 година беа извршени пет нуклеарни проби. Јужнокорејскиот министер за одбрана Хан Мин Ко смета дека соседот наскоро ќе го изврши и шестиот тест.
Фотографија: picture-alliance/dpa/KCNA
Закана за светскиот мир
Кина и Русија се единствените земји кои се водат како сојузници на Северна Кореја. Режимот за главен непријател ја смета „империјалистичката сила САД“. Меѓу непријателите уште спаѓаат и Јужна Кореја и Јапонија.
Фотографија: Reuters/K. Hong-Ji
Крај на трпението?
По тестирањето на интерконтиненталните ракети на американското трпение му дојде крајот. Претседателот на САД, Доналд Трамп сака да најде решение со своите сојузници од Г20. Кина и Русија, во секој случај, сакаат да спречат американски напади врз воени цели во Северна Кореја.
